Sognesjøen havforskningsstasjon
61°01′04″N 04°50′04″E / 61.01778°N 4.83444°E Sognesjøen havforskingsstasjon, eller formelt Fast hydrografisk stasjon Sognesjøen, er ein av åtte faste målestasjonar under Havforskningsinstituttet for kystnære observasjonar. Stasjonen ligg nord på øya Hille i Gulen kommune i Sogn og Fjordane, i Sognesjøen 20 km utanfor munningen av Sognefjorden. Her starta målingar i 1935.
Sognesjøen er 400 meter djup rett utanfor stasjonen, og 1.200 meter djup halvvegs over mot Store Sula i Solund. Sjøen har der fjordvatn i øvre lag, kystvatn i midtre lag, og atlantisk havvatn i dei djupare vasslaga under 150 meters djupn.
Ved stasjonen vert temperatur og salinitet målt i ulike djupnelag annankvar veke. Overflatetemperaturen er typisk ca 5 °C om vinteren og 18 °C om sommaren.[1] Saltnivået er høgst om vinteren grunna lite nedbør og avrenning av ferskvatn, og vekslar i overflata mellom 28[2] og 32[3]. I atlantiske lag under 150 meter er temperaturen konstant kring 7-8 °C og saliniteten er 35.
Målte temperaturar og saltinnhald ved 1 meter djupn og 150 meter dei siste åra fordelar seg slik:[4]
| Måleverdi | 1935 | 1940 | 1945 | 1950 | 1955 | 1960 | 1965 | 1970 | 1975 | 1980 | 1985 | 1990 | 1995 | 2000 | 2005 | 2010 |
|---|---|---|---|---|---|---|---|---|---|---|---|---|---|---|---|---|
| Januar | ||||||||||||||||
| Temp i °C 1 meter | 6,0 | 5,7 | 6,5 | 7,0 | 5,4 | 7,0 | 5,5 | 6,0 | 6,1 | 4,8 | 5,7 | 5,8 | 6,3 | 6,7 | 6,4 | 6,2 |
| Temp i °C 150 meter | 8,2 | 8,4 | 7,9 | 8,1 | 8,0 | 8,6 | 7,9 | 7,7 | 7,9 | 7,5 | 7,6 | 8,5 | 7,7 | 8,5 | 8,7 | 8,5 |
| Salinitet 1 meter | 33,3 | 33,1 | 32,3 | 32,8 | 31,8 | 33,5 | 33,4 | 33,3 | 32,5 | 32,2 | 31,5 | 31,7 | 33,1 | 32,3 | 30,0 | 32,2 |
| Salinitet 150 meter | 35,1 | 35,1 | 35,0 | 35,0 | 35,0 | 35,0 | 35,0 | 35,0 | 35,0 | 34,8 | 34,9 | 35,0 | 34,8 | 35,0 | 35,0 | 35,0 |
| Juli | ||||||||||||||||
| Temp i °C 1 meter | 16,2 | 16,8 | 12,7 | 15,5 | 14,6 | 14,2 | 11,8 | 13,0 | 13,2 | 13,3 | 14,5 | 13,2 | 14,8 | 11,5 | 15,4 | 12,7 |
| Temp i °C 150 meter | 8,3 | 6,4 | 6,9 | 6,9 | 6,4 | 6,6 | 7,1 | 5,5 | 7,5 | 6,7 | 6,5 | 7,7 | 6,8 | 7,1 | 7,8 | 7,2 |
| Salinitet 1 meter | 22,0 | 19,0 | 18,5 | 26,0 | 27,2 | 25,0 | 29,2 | 29,2 | 26,2 | 31,9 | 28,8 | 29,1 | 35,9 | 28,8 | 24,0 | 33,7 |
| Salinitet 150 meter | 35,1 | 35,0 | 35,0 | 35,0 | 35,0 | 34,9 | 35,0 | 34,8 | 35,0 | 35,0 | 35,0 | 35,0 | 34,9 | 35,0 | 35,1 | 35,1 |
Referansar
endre- ↑ Fast hydrografisk stasjon Sognesjøen - Havforskningsinstituttet. Vitja 11. november 2010.
- ↑ Sognesjøen - måling 10.juli 2010 - Havforskningsinstituttet.
- ↑ Sognesjøen - måling 2.januar 2010 - Havforskningsinstituttet.
- ↑ Sognefjorden - Havforskningsinstituttets datatjeneste, meny til venstre.
Bakgrunnsstoff
endre- Fast hydrografisk stasjon Sognesjøen - Havforskningsinstituttet.