Spiral av Vangelis

Spiral Studioalbum av Vangelis
Utgjeve	1977
Innspelt	Nemo Studios, London, 1977
Sjanger	Electronica
Lengd	39:25
Selskap	RCA Records #3022 (LP)
Produsent	Vangelis
Vangelis-kronologi
The Vangelis Radio Special (1976)	Spiral	Beaubourg (1978)

Spiral er eit studioalbum av den greske musikaren Vangelis frå 1977. Plateomslaget vart laga av Vangelis sjølv.

Meldingar
Karakter
Kjelde	Karakter
Allmusic

Songen «To the Unknown Man» vart gjeven ut som singel med «To the Unknown Man Part 2» som B-side. Sjølv om denne har same namn, så er det ein heilt annan song.

Innhald

All musikk er komponert av Vangelis.

Side ein

Nr.	Tittel	Lengd
1.	«Spiral»	6:55
2.	«Ballad»	8:27
3.	«Dervish D»	5:21

Side to

Nr.	Tittel	Lengd
4.	«To the Unknown Man»	9:01
5.	«3+3»	9:43

Spor 3 har undertittelen «(inspired by the Dervish dancer who by his whirling realises the spiralling of the universe)».

Instrumentering

Albumet er instrumentalt, utanom den handsama vokalen til Vangelis på «Ballad» (ein av få høve der ein kan høyre stemma hans på eit album). Vangelis speler synthesizer, sequencer, elektrisk piano, trommer og perkusjon. Det er det første albumet der Vangelis speler på ein Yamaha CS-80 synthesizer, som han nytta mykje på seinare album.

Stil

Spiral er eit futuristisk album og Vangelis nyttar mykje synthesizerteknologien som fanst på denne tida. Albumet er truleg det mest sequencer-baserte han laga i karrieren sin. Kvart stykke har sin særeigen stil.

«Spiral» byggjer på ein arpeggio-akkord som går frå den eine til den andre kanalen i stereo, og gjev lyttaren ei spiralkjensle. Stykket heldt fram med sequencer-pulsar og synthane til Vangelis.

«Ballad» er eit roleg stykke, som byggjer på elektrisk orgel, munnspel (truleg ein synthesizer lyd) og stemma til Vangelis gjennom filter og klang. Han byggjer seg opp med synth-brass og pauker, før han går attende til munnspel.

«Dervish D» er i følgje plateomslaget «inspirert av ein Dervish-dansar som ved å spinne rundt forstår det spiraliserande universet». Musikalsk er det lite som minnar om denne mellomaldermusikken. Det vert nytta ein arpeggio mer perkusjon og synthesizermelodi.

«To the Unknown Man» er eit stykke i tre delar. Han starta minimalistisk med ein langsam puls-sekvens og ein enkel, gitarliknande elodi. Styrkarar kjem inn og stykket utviklar seg til å bli marsj-liknande i andre delen. I den tredje delen har melodien nesten heilt forsvunne og erstatta av ein rockerytme og orgelakkordar.

«3+3» er bygd opp av tredelar. Han består av tre delar, og takten er anten 3/4 eller 6/8, medan ein utførleg 12/8-puls går gjennom heile stykket.

Kjelder

• Denne artikkelen bygger på «Spiral (Vangelis album)» frå Wikipedia på engelsk, den 6. september 2014.
  • Wikipedia på engelsk oppgav desse kjeldene:
• 'Elsewhere' webpage entry