Steinunn Revsdotter

Steinunn Revsdotter (norrønt: Refsdóttir eller Dálksdóttir) var ei kvinne som levde på Island omkring år 1000. Ho var, etter det ein kjenner til, ei av få kvinner i norrøn tid som gjorde skaldekvad.

Opphavet til skaldskapen: i ørne-ham stal Odin skaldskapsmjøden frå jotnen Suttung, og gav han til æsene og dei folk som kan dikte.
(Illustrasjonen er frå ein biletstein på Gotland)

Steinunn var gift med goden Gest på Hovgarda på Island, og ho var mor til skalden Hovgarda-Rev (Hofgarða-Refr Gestrson).

Vi kjenner henne berre frå ei forteljing, frå den tida då kristne misjonærar freista å innføre kristendommen på Island. (Kristendommen var lovfestet på Island år 1000.) Presten Tangbrand (Þangbrand) var, slik det er nemnt i sogene, ein misjonsprest som skal ha verka på Island i tida då Olav Tryggvason var konge i Noreg.

Ein gong, truleg i 998, vart skipet til Tangbrand skadd på grunn av storm, og Steinunn dikta då to vers der ho uttrykte glede over at guden Tor hadde gjort skade for Tangbrand, og ho håner han fordi Kristus ikkje hadde gjort noko for å hjelpe. Ein reknar med at diktet avspeglar ei historisk sann hending.

Bakgrunnsstoff

• Finnur Jónsson (1910). Den oldnorske og oldislandske litteraturs historie 1. København: G.E.C. Gads Forlag. s. 501.