Steve Gaines

Steven Earl «Steve» Gaines (14. september 1949–20. oktober 1977) var ein USA-amerikansk musikar. Han er mest kjend som gitarist, vokalist og låtskrivar i southern rock-bandet Lynyrd Skynyrd frå 11. mai 1976, fram til han døydde den 20. oktober 1977, og var den yngre broren til Cassie Gaines, som var korsongar for bandet på konsertane deira.

Steve Gaines
Fødd	14. september 1949(1949-09-14)
Fødestad	Seneca, Missouri i USA
Død	20. oktober 1977 (28 år)
Dødsstad	Gillsburg i Mississippi i USA
Fødenamn	Steven Earl Gaines
Alias	Okie Crawdaddy
Opphav	USA
Aktiv	1964–1977
Sjanger	Blues, southern rock
Instrument	Gitar, vokal
Tilknytte artistar	The Ravens (Steve's High School Band), Pink Peach Mob, Manalive, Rio Smokehouse, Detroit, Rusty Day, Crawdad, Lynyrd Skynyrd
Plateselskap	MCA
Verka som	musikar, gitarist
Prisar	Oklahoma Music Hall of Fame

Cassie Gaines byrja å syngje med Lynyrd Skynyrd i desember 1975, og då gitaristen Ed King slutta i bandet, leita bandet etter ein ny. Cassie tilrådde broren hennar, og etter først ha vore motvillig, let bandet Steve få kome på scenen med dei på ein konsert i Municipal Auditorium i Kansas City i Missouri den 11. mai 1976. Etter kvart fekk han bli med i bandet.

Den 20. oktober 1977, tre dagar etter albumet Street Survivors km ut, styrta flyet som flaug bandet mellom to konsertar utafor Gillsburg i Mississippi. Gaines døydde av store hovudskadar, 28 år gammal. I styrten døydde òg Ronnie Van Zant, og syster til Steve, Cassie Gaines. Den assisterande turnémanageren, Dean Kilpatrick, og dei to pilotane omkom òg.

Han er emne i songen «Cassie's Brother» av rockebandet Drive-By Truckers frå 2001.

Diskografi

Lynyrd Skynyrd

• One More from the Road (1976)
• Street Survivors (1977)

Solo

• One in the Sun (1988)

Kjelder

• Denne artikkelen bygger på «Steve Gaines» frå Wikipedia på engelsk, den 15. september 2018.
  • Wikipedia på engelsk oppgav desse kjeldene:

Bakgrunnsstoff

• Steve Gaines på Find a Grave