Stevo Pendarovski
Stevo Pendarovski (fødd 3. april 1963) er ein akademikar og sosialdemokratisk politikar frå Nord-Makedonia som 12. mai 2019 vart president i landet sitt.
| Stevo Pendarovski | |||
.jpg) | |||
| Fødd | Стево Пендаровски 3. april 1963 (61 år) Skopje | ||
|---|---|---|---|
| Statsborgar av | Nord-Makedonia | ||
| Yrke | politikar, universitetslærar | ||
| Institusjonar | University American College Skopje | ||
| Utdanna ved | St. Kyrill og St. Method-universitetet i Skopje | ||
| Ektefelle | Elizabeta Gjorgievska | ||
| Føregangar | Gjorge Ivanov | ||
| Alle verv |
| ||
Liv og virke
endreBakgrunn
endrePendarovski vart fødd i Skopje. Han har universitetsutdanning frå St. Kyrill og St. Method-universitetet i Skopje. Han studerte først ved juridisk fakultet og tok bachelorgraden i 1987.[1] I 2006 tok han mastergrad i statsvitskap ved same universitet. Han vart ph.d. i 2008 med ei avhandling om EU sin utanriks- og tryggingspolitikk sett i forhold til små statar.[1]
Karriere
endreFrå 1998 arbeidde han i innanriksdepartementet, før han frå 2001 til 2004 var tryggleikspolitisk rådgivar for presidenten. Etter ein periode som leiar for valkommisjonen i landet frå 2004 til 2005, var Pendarovski utanrikspolitisk rådgivar for presidenten frå 2005 til 2009. Etter avlagt ph.d.-grad, byrja han i 2008 å arbeida ved University American College i Skopje.[1]
Pendarovski er aktiv i det sosialdemokratiske partiet SDSM. Han var koordinator for NATO-medlemskap under regjeringa til Zoran Zaev.[2]
President
endreI 2014 stilte han til presidentval, men tapte i andre valomgang for Gjorge Ivanov. Han stilte på nytt i presidentvalet i 2019, fekk 42,81 % av stemmene og kom òg denne gangen til andre valomgang. I andre valomgang kjempa han mot Gordana Siljanovska-Davkova støtta av VMRO-DPMNE. Pendarovski er tilhengar av avtalen med nabolandet Hellas som førte til at landet endra namn til Nord-Makedonia. Han såg på avtalen som ein føresetnad for at Nord-Makedonia kunne vera medlem i NATO. Kandidaturet hans vart støtta av det sosialdemokratiske partiet, det albanske Demokratisk union for integrasjon og 29 mindre parti. I andre valomgang fekk Pendarovski 51,66 % av stemmene, mot 44,73 % til Siljanovska-Davkova.[3]
Pendarovski vart innsett som president 12. mai 2019, og tok dermed over presidentembetet etter Gjorge Ivanov.[4]
Kjelder
endre- ↑ 1,0 1,1 1,2 CV Arkivert 2022-03-08 ved Wayback Machine., University American College Skopje.
- ↑ «SDSM nominates Stevo Pendarovski for President again», Republika, 1. mars 2019. Lesen 5. mai 2019.
- ↑ «iVote Demokra». Makedonias valgkommisjon. Henta 6. mai 2019.
- ↑ Matamoros, Cristina Abellan (12. mai 2019). «North Macedonia's new president Stevo Pendarovski takes office» (på engelsk). Henta 12. mai 2019.
- Denne artikkelen bygger på «Stevo Pendarovski» frå Wikipedia på bokmål, den 16. november 2022.