Strindheim Idrettslag

Strindheim Idrettslag er eit idrettslag i Trondheim, stifta 9. mars 1926. Laget deltek aktivt i idrettsgreinene fotball, friidrett, handball og langrenn.

Strindheim kunstgressbane under ein kamp mellom Strindheim og Hamarkameratene i Oddsenligaen, avdeling 4, 2015.

Foto: Cato Edvardsen (2015)

Fotball

Strindheim IL har spelt to sesongar på toppnivå i seriefotball for menn. Både i 1. divisjon 1984 og eliteserien 1995 enda det med sisteplass og nedrykk. Gøran Sørloth var den fremste Strindheim-spelaren i debutsesongen 1984. Laget spelar i gule trøyer og himmelblå bukser.

Friidrett

Langdistanseløparen Knut Børø heldt internasjonalt nivå på 1970-talet, medan hekkeløparen Robert Ekpete var Noregs beste på korthekken i midten av 1980-åra. Også fleifaldig noregsmeister Stig Roar Husby var medlem i laget i 1970-åra.

Handball

Strindheim har i dei seinare åra spelt fleire sesongar på nivå to i handballseriane for menn.

Langrenn

Katharina Mo Berge, Ingrid Christensen og Berit Aunli var medlemer av Strindheim på 1970/-80-talet. I dei seinare år har Petter Northug og Emil Hegle Svendsen representert idrettslaget i langrennsløypa.

Tidlegare hadde Strindheim IL også avdelingar som dreiv med orientering og skeiseidrett.

Kjelder

• Denne artikkelen bygger på «Strindheim IL» frå Wikipedia på bokmål, den 14. april 2016.