Svend Matthiesen
Svend Matthiesen (fødd 17. desember 1830) var ein norsk lærar, kyrkjesongar, gardbrukar, bankkasserar og Venstre-politikar frå Grong.
| Svend Matthiesen | |
 | |
| Statsborgarskap | Noreg |
| Fødd | 17. desember 1830 Grong kommune |
| Død |
25. april 1916 (85 år) |
| Yrke | politikar, bonde, lærar, klokkar |
| Språk | norsk |
| Politisk parti | Venstre |
| Svend Matthiesen på Commons | |
Foreldra hans var gardbrukarar på Medjå i Grong. Sjølv gjekk han seminaret i Klæbu og tok eksamen der i 1849. Frå 1850 var han lærar og kyrkjesongar i heimbygda Grong. Han gifta seg i 1853 til garden Grong og dreiv denne til 1897, då eldste sonen overtok. Perioden 1862-67 var han styreformann i Grong sparebank, deretter kasserar i sparebanken i over 40 år.
Matthiesen var medlem av heradsstyret i Grong 1860-1907, ordførar 1872-80 og 1892-1907. Vidare var han valmann 1865-1903, forlikskommissær 1867-97 og medlem av amtsutvalet i ti år. I 1896 var han medlem av ein kongeleg kommisjon om lakselova.
Perioden 1871-82 var Matthiesen heile tida på frå 2. til 4. varamannsplass til Stortinget. Han vart ved stortingsvalet i 1900 vald til 4. representant for Nordre Trondhjems amt. På Stortinget 1900-03 var han medlem av Lagtinget og jarnbanekomiteen.
Han blei tildelt Borgardådmedaljen i sølv og Kroningsmedaljen 1906.[1][2]
Kjelde
endre- ↑ «Svend Matthiesen». Indherred: 2. 27. april 1916.
- ↑ Lindstøl, Tallak (1914). Stortinget og statsraadet 1814–1914. Bind 1, del 2: Biografier L–Ø samt tillæg. s. 585.
- Lindstøl, Tallak: Stortinget og Statsraadet 1814-1914. Kristiania, 1914