Tareskog
Tareskogar er marine økosystem som baserer seg rundt vegetasjon av tare. Dei finst i tempererte og polare strok, og veks som regel på hard botn på grunt vatn. I tropane finst dei ikkje, sidan dei er relativt næringskrevjande. Langsmed norskekysten finn ein som regel tareskog ned til ei djupn på 20 m, avhengig av lystilgangen på dei einskilde stadane.
Tareskogen reknast mellom dei mest produktive og dynamiske økosystema på kloten. Fleire av dei viktigaste matfiskane, i tillegg til taskekrabbe og hummar, er direkte eller indirekte avhengige av tareskog for å kunne veksa opp. I tillegg vert det òg nytta ein del tareskog direkte; ein vinn ut alginat frå sjølve algane. Taretråling finn stad i Noreg langsmed store delar av Vestlandet, og eksportverdien av alginatprodukta ligg på 400-500 millionar kroner i året.
Kjelder
endre- Moen, Frank Emil & Svensen, Erling (2003): Dyreliv i havet - nordeuropeisk marin fauna
- Denne artikkelen bygger på «Kelp forest» frå Wikipedia på engelsk, den 8. september 2007.