Terese Løvås
Terese Løvås (fødd 13. juni 1973) er ein norsk fysikar. Ho er professor i energi- og prosessteknikk, med spesialisering innanfor forbrenning og termodynamikk. Ho forskar blant anna på alternative drivstoff som biodrivstoff.
| Terese Løvås | |||
 | |||
| Fødd | 13. juni 1973 Tønsberg | ||
|---|---|---|---|
| Nasjonalitet | Noreg | ||
| Yrke | professor | ||
| Institusjonar | Noregs teknisk-naturvitskaplege universitet | ||
Karriere
endreLøvås fullførte mastergraden i relativistisk astrofysikk ved Niels Bohr-instituttet ved Københavns universitet i Danmark. Doktorgraden innanfor forbrenningsfysikk tok ho ved Lunds Universitet i Sverige. Ho har også ein mastergrad frå Universitetet i Cambridge.
Løvås har blant anna arbeidd som forskar og førelesar i energiteknologi ved Queen Mary University of London, og som forskar ved University of Cambridge. Ho har vore fellow i ingeniørvitskap ved Churchill College i Cambridge. Løvås har også jobba med arktisk forsking ved Universitetet i Tromsø, der ho hadde ei professor II-stilling i prosess- og gassteknologiar mellom 2009 og 2014.
Frå 2009 har Løvås vore professor og faggruppeleiar for forskingsgruppa for termisk energi ved institutt for energi- og prosessteknikk ved Noregs teknisk-naturvitskaplege universitet (NTNU).[1]
I august 2017 tiltredde Løvås som instituttleiar ved institutt for energi- og prosessteknikk ved NTNU. Med det blei ho den fyrste kvinnelege instituttleiaren i historia til instituttet.
Frå 2011 var Løvås president i den skandinavisk-nordiske avdelinga ved det internasjonale forskarsamfunnet Combustion Institute, og i 2015 tok ho over som president for Føderasjonen for europeiske seksjonar i det same forskarsamfunnet. Ho er styremedlem i det svenske nasjonale forskingsprogrammet og strategiske forskingssenteret Center for Combustion Science and Technology (CECOST). I tillegg er ho styremedlem for den nasjonale infrastrukturen for berekningsvitskap i Norge UNINETT Sigma2 AS. Løvås sit i redaktørstyret for Energies[2] og Combustion Flame[3].
Prisar og utmerkingar
endreI 2015 mottok Løvås Kommunikasjonsprisen ved Fakultetet for ingeniørvitskap og teknologi ved NTNU.[4]
Kjelder
endre- ↑ informasjon om Terese Løvås
- ↑ Editorial Board - Energies
- ↑ Editorial Board - Combustion Flame
- ↑ «The KOM Award - 2015 winners». Arkivert frå originalen 21. august 2017. Henta 24. juli 2017.
- Denne artikkelen bygger på «Terese Løvås» frå Wikipedia på bokmål, den 12. februar 2024.