Tong Fei

Tong Fei (fødd 25. mars 1961) er ein kinesisk tidlegare turnar frå Nanchang. Han vann to gullmedaljar i så vel Turn-VM 1983 som i Turn-VM 1985.

Tong Fei
Statsborgarskap	Folkerepublikken Kina
Fødd	25. mars 1961 (63 år) Xiajiang
Idrett	turn
Tok del i	Asialekene 1982, gymnastics at the 1984 Summer Olympics – men's horizontal bar

Tong VM-debuterte med ein femteplass i svingstang ved Turn-VM 1979. To år seinare fekk han ein bronsemedalje i lagtevlinga i verdsmeisterskapen, vart sidan nummer 4 i mangekampen og ringar. I Turn-VM 1983 i Budapest vann han ein gullmedalje med Kina sitt mannskap, før han gjekk heilt til topps i frittståande og kom på delt bronseplass i skranke. Under dei olympiske sommarleikane 1984 i Los Angeles vann han to sølvmedaljar, fyrst som deltakar i lagtevlinga med Kina, deretter i svingstang. I den olympiske mangekampen enda han på fjerdeplassen, fattige 0,150 poeng bak olympiameisteren Kōji Gushiken. Etter å ha opna med sølv i lagtevlinga ved Turn-VM 1985 i Montreal, sigra Tong både i frittståande og svingstang.

Kjelder

• Denne artikkelen bygger på «Tong Fei» frå Wikipedia på engelsk, den 19. januar 2024.