Torgeir Torgersen

Torgeir Torgersen (10. mars 1923–11. januar 2001) var ein norsk fotballspelar frå Stavanger som var målvakt i Viking Fotballklubb og på Noregs landslag.

Torgeir Torgersen
Statsborgarskap	Noreg
Fødd	10. mars 1923 Stavanger kommune
Død	11. januar 2001 (77 år)
Yrke	fotballspelar

Klubbspel

Torgersen debuterte for Viking etter freden i 1945 og spelte til saman 130 kampar fram til 1950. Han deltok på Viking-laget som spelte seg fram til finalen i noregsmeisterskapen 1947, der Viking tapte 0–2 mot Skeid. I 1950/51 var han profesjonell fotballspelar hos den franske hovudstadsklubben Stade Français Paris. I tida 1958-60 vakta han Viking sitt mål i fem seriekampar før han la opp som aktiv spelar.

Landslagsspel

Torgersen fekk sin landslagsdebut 11. juni 1947 då Noreg vann 3-1 over Polen. Etter ein «strålende debutkamp» rykte han inn som fast landslagsmålvakt og «utviklet seg til en målmann av aller første klasse. Mange hevdet at Torgeir Torgersen var jevngod med Tippen Johansen i hans glanstid». Torgersen spelte sin siste av i alt 22 landskampar mot Irland i Dublin den 26. november 1950, eit oppgjer som enda 2-2. Grunna amatørreglane til Norges Fotballforbund vart Torgersen utestengd frå å spele fleire kampar for Noreg då han i 1950 vart proff i Frankrike.