Torkel Lende

Torkel Jonsson Lende (17. november 1849–8. januar 1909) var ein norsk lærar, maskinarbeidar og oppfinnar frå Time i Rogaland.

Torkel Lende
Statsborgarskap	Noreg
Fødd	17. november 1849
Død	1909 (60 år)
Yrke	oppfinnar

Lende gjekk ein lærarskule i heimbygda, saman med mellom andre Arne Garborg, og var ei lita tid folkeskulelærar. Tidleg byrja han å sysle med ymse slag oppfinningar, fyrst for heimeindustrien, i til dømes skomakarhandverket. Seinare flytta han til Stavanger og vart maskinarbeidar. Han forbetra maskinar og fann opp nye, særleg hermetikkindustrien drog nytte av verksemda hans. Særleg er han kjend for å ha funne opp ei maskin til å klippe brisling med. Han «hadde liten forretningssans, og andre hausta dei økonomiske fruktene av arbeidet hans, til dels også æra for oppfinningane».

Han døydde i Stavanger, 59 år gammal. Der vart han i 1954 heidra med Torkel J. Lendes gate som ligg på Våland.

Torkel Jonsson Lende var stefaren til Lars H. Lende.

Kjelder

• Norsk Allkunnebok. VIII. bandet. 1957
• Stavanger byleksikon: Torkel J. Lendes gate