Torus tubarius
Torus tubarius blir danna av ei høgd som ligg ved basen av den bruskete delen av øyretrompeten, direkte under slimhinna i den nasale delen av svelget, bak svelgopninga av øyretrompeten. Torus tubarius ligg i nærleiken av tonsilla tubaria.[1]
To folder strekkjer seg framover og bakover:
- bakover går den vertikale folden i slimhinna, plica salpingopharyngea, som strekkjer seg frå den nedre delen av torus tubarius; den inneheld musculus salpingopharyngeus som oppstår ved den øvre grensa av den mediale lamina av brusken,[2] og går nedover der den blir sameina med den bakre fasikkelen av musculus palatopharyngeus.
- framover går den andre og mindre folden, plica salpingopalatina, som inneheld muskelfiber;[2] den strekkjer seg frå den øvre grensa av den laterale lamina av brusken, framover og nedover, til baksida av den harde ganen. Musculus tensor veli palatini er ikkje ein del av denne folden, sidan denne ligg noko djupare.
Kjelder endre
- Denne artikkelen har bygd inn tekst frå ei offentleg utgåve av Gray's Anatomy.
- Denne artikkelen bygger på «Torus tubarius» frå Wikipedia på engelsk, den 16. februar 2015.
- ↑ «The Pharynx» (2006). Vitja 16. februar 2015.
- ↑ 2,0 2,1 Cleveland S. Simkins, PH.D. «Functional Anatomy of the Eustachian Tube» JAMA Otolaryngology – Head & Neck Surgery. 38(5): ss. 476-484.]
