Trøndelagsutstillinga i 1930

Trøndelagsutstillinga 1930 var ei stor utstilling som vart arrangert på Nidarø og Skansen i Trondheim frå 1. juni til 5. oktober 1930.^[1] Med utstillarar frå Trøndelag og resten av landet var dette den første større mønstringa av næringslivet i Noreg sidan Jubileumutstillinga på Frogner i Oslo i 1914.^[1]

Historikk endre

Utstillingsområdet i Trondheim sentrum, med mellombels gangbru frå Nidarø over Nidelva til Ilen kyrkje og fiskeriutstilinga på Skansen.

«Solbåten», ein kinesisk djunke med reklame for Movinckels Margarin, ved gangbrua over Nidelva.

På utstillingsområdet var festplassen med paviljongar og hallar på i alt 22 000 m² golvareal. Totalt 1 927 utstillarar presenterte aktivitetar og produkt frå samfunnsliv, primærnæring, industri og anna næringsverksemd.^[1] Over Nidelva frå Nidarø var det bygt ei mellombels gangbru til Ilen kyrkje og fiskeriutstillinga på Skansen der polarskuta «Fram» låg.^[1] Frå juni til september vart det halde rundt 160 møte og stemne med kring 24 000 deltakarar. Utstillinga omfatta òg eit fornøyelseområde.^[1] Kong Haakon VII opna utstillinga.^[1]

I 1930 var det 900-årsjubileum for Slaget på Stiklestad 29. juli 1030.

Galleri endre

«Sangerfesten i Sangerhallen» Foto: Alf Schrøder/Trondheim byarkiv
Nidar sjokoladefabrikk si kiste på utstillinga. Foto: Alf Schrøder/Trondheim byarkiv
Fesjå ved utstillinga Foto: Trondheim byarkiv
«Guttemusikkorpset». Foto: Trondheim byarkiv
Bilutstilling på Nidarø. Foto: Trondheim byarkiv
Demonstrasjon av A/S Fiskseparators fiskekakemaskin. Foto: Frederik Hilfling-Rasmussen/Trondheim byarkiv
Meieriprodukt presentert av Gudbrandsdalsysterienes Salgscentral i Oslo. Foto: Trondheim byarkiv
Reklamefigur for norsk tobakksfabrikk. Moritz Glotts tobakksfabrikk lét byggja «orientalsk» paviljong med minaret til utstillinga. Foto: Schrøder/Trondheim byarkiv