TrollSat
TrollSat er ein landbasert satellittstasjon i Dronning Maud Land i Antarktis. Stasjonen har Kongsberg Satellite Services (KSAT) som eigar, og er tilknytt den norske forskingsstasjonen Troll. Stasjonen blei sett i drift 1. mars 2007[1] og blei offisielt opna 20. januar 2008.[2]
| TrollSat | |||
 | |||
 TrollSat 72°01′00″S 2°32′00″E / 72.0167°S 2.53333°E | |||
|---|---|---|---|
TrollSat hentar klima-, miljø- og meteorologidata frå satellittar i polarbane og vidareformidlar dei. Slike satellittar går rundt jorda 14 gongar i døgnet.
KSAT driv to polare jordstasjonar som er tilpassa satelittar i låg jordbane, der den andre er SvalSat i Longyearbyen på Svalbard.[3] Dette er dei einaste to jordstasjonane som kan kommunisera med alle banane til satellittar i låg jordbane.[4] Ved å bruka begge stasjonane kan ein lasta ned data to gonger per omflyging, tjueseks gonger per døgn, med ei forseinking på berre førti minutt.[5]
Kjelder
endre- ↑ Trollsat to Serve Antarctica, 20. april 2007, arkivert frå originalen 29. september 2012, henta 29. september 2012
- ↑ Molde, Eivind; Aune, Oddvin (20. januar 2008), Stoltenberg bor i telt i Antarktis, NRK, arkivert frå originalen 3. mars 2016, henta 29. september 2012
- ↑ About Us, Kongsberg Satellite Services, arkivert frå originalen 11. februar 2012, henta 11. april 2012
- ↑ Grønli, Kristin Straumsheim (13. desember 2006). «Øyet i himmelen laster ned på Svalbard». Forskning.no (på norsk bokmål). Arkivert frå originalen 3. desember 2011. Henta 14. mars 2012.
- ↑ Troll Satellite Station (TrollSat) – Antarctica, Kongsberg Satellite Services, arkivert frå originalen 7. juli 2010, henta 4. oktober 2010
- Denne artikkelen bygger på «TrollSat» frå Wikipedia på bokmål, den 12. desember 2022.