Valhall
Valhall (norrønt Valhǫll, 'hallen åt falne krigarar')[1][2] er i norrøn mytologi festhallen til Odin der æsene og einherjane held sine gilde.
I Åsgard reiste gudane ei stor og mektig borg, og midt i denne borga låg dei frodige Idavollane. Her bygde gudane store, mektige hallar, og den aller flottaste av desse var Valhall. Det var hit valkyriene kom med einherjane, vikingane som har falle i krig. «Val» tyder på norrønt 'fallen krigar'.
I den store hallen Valhall er det Odin som herskar. Stor må Valhall vera om det skal vera rom for alle vikingane som døyr i krig. Det blei sagt at Valhall har 540 dører, og at kvar dør er så brei at 800 einherjar kan gå side om side gjennom døra.[3] Taket er dekt med gylne skjold og veggane er laga av spydskaft.
Hanen Gullinkambi heldt til i Valhall, og vekte kvar dag opp krigarane, levande som døde. Galten Særimne var òg ein viktig innbyggjar. Denne grisen blei slakta og eten kvar dag, men var like heil igjen om kvelden.
Einherjane ved Valhall skal omsider kjempa for Odin under ragnarok.[2]
Andre namn på Valhall
endre- Gladsheim («den glinsande verda»), omtala som det største huset i Åsgard med tretten høgsete, eitt for Odin. Tekt med gull både inn- og utvendig. Høgst truleg identisk med Valhall.
- Valaskjalf («hallen åt falne krigarar»)
Kjelder
endre- ↑ «valhall» i Det Norske Akademis ordbok
- ↑ 2,0 2,1 «Valhall» i Store norske leksikon, snl.no.
- ↑ Anton Sundén. «Öfversigt af nordiska mytologien för elementarläroverken» (på svensk). Project Runeberg. s. 60. Henta 25. desember 2023.
Bakgrunnsstoff
endre- Valhǫll i Ordboka over det norrøne prosaspråk ved Københavns Universitet.