Vangsmjøse

Vangsmjøse (òg kalla Vangsmjøsi eller Vangsmjøsa) er ein innsjø i Vang kommune i Innlandet.

Vangsmjøse
innsjø
Land	Noreg
Fylke	Innlandet
Kommune	Vang
Høgd over havet	463-466 moh.
Areal	18,45 km²
Middeldjupn	65 m
Største djupn	154 m
Volum	1,20 km³
Kystlengd1	43,47 km
Koordinatar	61°09′46″N 08°26′30″E
Vangsmjøse 61.162777777778°N 8.4416666666667°E / 61.162777777778; 8.4416666666667
Wikimedia Commons: Vangsmjøsa
1 Kystlengd er eit unøyaktig mål som kanskje ikkje er standardisert for denne artikkelen.

Segn

Det går fleire segner om Vangsmjøse. I ei av dei vert det sagt «Ser du mi lengd, so der du mi djup».

I ei anna vert det fortalt om ein som ville sjå kor djup innsjøen var og batt saman alle reip han fekk tak i frå andre i bygda. Som søkke hengte han på ei tinnkanne og eit fenalår. Når han omsider nådde botn og heiste tauet opp igjen så fann han at tinnkanna var smelta og fenalåret kokt. Da var tauet så langt at det gjekk frå dørklinka på Leine og tvers over fjorden og tre gonger rundt kyrkja. Dette er ein avstand på rundt 4500 meter.

I ei tredje utgåve vert det sagt det at når dei lodda djupna og fekk reipet opp igjen så lukta det svovel av det. Dette er kanskje den einaste av segnene som har noko for seg då rotnande planterestar medfører at vatn på stort djup vil få eit høgt innhald av svoveldioksid og hydrogensulfid.

Denne geografiartikkelen som har med Innlandet å gjere, er ei spire. Du kan hjelpe Nynorsk Wikipedia gjennom å utvide han.