Vardeneset kyrkje
Vardeneset kyrkje er ei kyrkje frå 2000 i Stavanger kommune i Rogaland fylke.
| Vardeneset kyrkje | |||
| kyrkje | |||
 Foto: Jarle Vines | |||
| Kyrkjesamfunn | Den norske kyrkja | ||
|---|---|---|---|
| Bispedøme | Stavanger | ||
| Prosti | Ytre Stavanger | ||
| Sokn | Vardeneset | ||
| Fellesråd | Stavanger | ||
| Arkitekt | Byarkitekten i Stavanger v/Steinar Skartveit | ||
| Innvigd | 2. januar 2000 | ||
| • Endringar | 2007 | ||
| Tårn | Frittståande | ||
| Kyrkjegard | Nei | ||
| Sitjeplassar | 450 | ||
 Vardeneset kyrkje 58°59′37″N 5°40′30″E / 58.99348194°N 5.67501806°E | |||
| Wikimedia Commons: Vardeneset kirke | |||
Kyrkja vart teikna av sivilarkitekt Steinar Skartveit, sjefsarkitekt i Bygg-, bustads- og eigedomsavdelinga i Stavanger kommune. Første spadestikket vart teke 14. november 1998 og grunnsteinen var lagt ned 12. juni 1999. Kyrkja vart innvigd av biskop Ernst O. Baasland 2. januar 2000.
Kyrkja har eit bruttoareal på 1 350 m². Ytterveggane er murt med Leca-blokkar som er pussa og måla kvite. Innvendig er kyrkja òg for det meste kvitmåla med furupanel i taket i kyrkjesalen og kyrkjetorget. Flisene i kyrkja er mørkegrå, som ein kontrast til dei kvite veggane.
Altarteppet i Vardeneset kyrkje er laga av Else Marie Jakobsen. Motivet er påskebodskapen «Frå mørkre til ljos». Ei ljosstråle treff den vevde kristusskikkelsen. Sola kring hovudet glitrar og ber bud om at mørkret må vike. Altarteppet har tre dimensjonar: Tre figurative motiv syner Maria og Jesusbarnet, Kristus på krossen og den oppstandne Kristus. Bunnmotivet er kyrkjeåret, den fyrste fiolette stripa står for advent, byrjinga av kyrkjeåret. Den tredje dimensjon er tornekransen som skrår over og ut av teppet og går over i oppstoda.
Kjelder
endre- Denne artikkelen bygger på «Vardeneset kirke» frå Wikipedia på bokmål, den 12. september 2019.
Bakgrunnsstoff
endre- Vardeneset kirke på Kyrkjesøk
- Vardeneset kyrkjelyd