Vestrefjorden

Vestrefjorden er ein fjordarm av Midfjorden og Romsdalsfjorden i Haram kommune på Sunnmøre. Fjorden strekkjer seg 3,5 km sørover til garden Vestre. Bygda Vestrefjord ligg i denne fjorden.

Vestrefjorden
fjord
Land	Noreg
Vestrefjorden 62.618931°N 6.65908806°E / 62.618931; 6.65908806

Fjorden har innløp mellom Båtsteinen i vest og Eikeneset i aust. På austsida av fjorden ligg mellom anna gardane Eik og Byrkjevoll. På vestsida ligg garden Langset. Fylkesveg 661 går langs heile fjorden. Fjorden er i kring 400 m brei og største djupna er 26 m.

Langs fjorden kan ein sjå tydelege spor etter den siste istida. 40 de Geer-morener ligg på rekkje og rad attmed heile fjorden.

Avgrensa av eit smalt sund, er den innerste delen fjorden ein poll med brakkvatn. Her er store område tørrlagt ved fjøre sjø. Vidare utover fjorden har ein fleire fjordtersklar.

På våren er det vanleg at store mengde med sild kjem inn i Vestrefjorden under gytetida.