Vigdis Hårsaker

Vigdis Hårsaker (fødd 16. juli 1981) er ein norsk tidlegare handballspelar frå Trondheim. Ho vart europameister med Noreg i 2004 og vann elles to VM-sølv og eitt EM-sølv i tida 2001-07. På landslaget var venstrehendte Hårsaker oftast høgrekant, medan ho i Byåsen IL jamnast var høgre rykkrom-spelar.

Vigdis Hårsaker
Statsborgarskap	Noreg
Fødd	16. juli 1981 (43 år) Noreg
Yrke	handballspelar

Aktiv

Klubbspel

Hårsaker spelte opphavleg på Sjetne IL, deretter gjekk ho i 1998 til byrival Byåsen. Etter ein sesong i franske Toulon var ho Byåsen-spelar att til 2003. Overgangen frå Byåsen til Larvik HK i 2003 skapte store overskrifter i avisene og overgangstvisten hamna til slutt i retten. I 2005 vann ho Cupvinnarcupen med Larvik. Deretter vende Hårsaker tilbake til Byåsen frå hausten 2005. To år seinare tapte ho Cupvinnarcupen med laget frå heimbyen. Skadar førte til at ho la opp seint i 2010.

Landslagsspel

Hårsaker landslagsdebuterte mot Polen 29. november 2000. Ho utmerkte seg særleg i EM-finalen 2004 i Budapest, der ho skåra fire av måla i ein kamp som enda med norsk siger 27-24 mot Russland. Den 18. oktober 2008 var Frankrike gjest då ho deltok i sin landskamp nummer 133. I det som vart hennar siste kamp med flagget på brystet gjekk ho mållaus av banen, etter å ha skåra 337 landslagsmål i dei føregåande landskampane.

Merittar

• EM 2000: Nr 6 med Noreg
• VM 2001: Sølvmedalje etter 25–30 mot Russland
• EM 2002: Sølvmedalje etter 22–25 mot Danmark
• VM 2003: Nr 6 med Noreg
• EM 2004: Gullmedalje etter 27–25 mot Danmark
• VM 2007: Sølvmedalje etter 24–29 mot Russland
• Noregsmeister: 2003 med Larvik HK
• Vinnar av EHF-cupvinnarcupen: 2005 med Larvik HK
• Finalist i EHF-cupvinnarcupen: 2007 med Byåsen IL

Kjelder

• Denne artikkelen bygger på «Vigdis Hårsaker» frå Wikipedia på bokmål, den 5. mai 2017.

• Landskampar