Virgilio Mazzocchi
Virgilio Mazzocchi (22. juli 1597–3. oktober 1646) var ein italiensk kapellmeister og komponist.
| Virgilio Mazzocchi | |||
| Fødd | 22. juli 1597 | ||
|---|---|---|---|
| Fødestad | Civita Castellana | ||
| Død | 3. oktober 1646 (49 år) | ||
| Dødsstad | Civita Castellana | ||
| Sjanger | opera | ||
| Verka som | komponist, korleder | ||
Liv og virke endre
Mazzocchi blei undervist av broren sin Domenico Mazzocchi, som også var komponist. I 1624 blei Virgilio Mazzocchi kapellmeister ved kyrkja Il Gesù i Roma. I 1628/29 hadde han same stilling ved Laterankyrkja, og deretter ved Cappella Giulia, der han var til han døydde. Samtidig arbeidde han ved Collegium Romanum og ved Collegio del'Inglesi.
Mazzocchi blir rekna som ein av dei fyrste meistrane av fleirkorteknikken. Han oppnådde ein stor og verknadsfull klang ved å plassera ut fleire kor ulike stader i kyrkjerommet i Peterskyrkja. I motsetnad til den eldre venetianske fleirkorteknikken ved Markuskyrkja har stilen eit mindre antifont og polyfont preg, men Mazzocchi oppnår ein mektig romleg klangverknad gjennom ein stor innretta homofon tonesats.
Berre ein femkorig magnificat og to- og firstemmige verk, som Sacri Flore og vespersalmar, er att etter Mazzocchi. Han skreiv også fleire oratorium, kantatar og operaer.
Blant elevane til Mazzocchi kan ein nemna Giovanni Andrea Bontempi.
Kjelder endre
- Denne artikkelen bygger på «Virgilio Mazzocchi» frå Wikipedia på bokmål, den 3. mars 2024.