Vulkanen Osorno

Osorno er ein 2 652 meter høg, kjegleforma stratovulkan som ligg mellom Osorno-provinsen og Llanquihue-provinsen i Los Lagos-regionen i Chile. Han ligg på søraustbreidda av Llanquihuesjøen, og tårnar òg over Todos los Santos-sjøen. Osorno er kjend som eit symbol for det lokale landskapet og likskapen til Fuji-fjellet.

Osorno
vulkan
Osorno i 1993
Land	Chile
Fjellkjede	Andes
Høgd	2 652 moh.
Koordinatar	41°06′S 72°29′W
Vulkantype	Stratovulkan
Siste utbrot	1869
Lettast tilkomst	fjellklatring
Førstestiging	Jean Renous
Osorno 41.1°S 72.493055555556°W / -41.1; -72.493055555556
Wikimedia Commons: Volcan Osorno

Osorno er ein av dei mest aktive vulkanane i dei sørchilenske Andesfjella, med 11 historiske utbrot mellom 1575 og 1869. Lavastraumar av basalt og andesitt frå desse utbrota har nådd både Llanquihue- og Todos los Santos-sjøen. Den øvre fjellsida av vulkanen er nesten heilt dekt av isbrear, trass i moderat høgd og breiddegrad. Årsaka til at isbreane vert opprettheldt er ein god del snø gjennom vinteren på grunn av det fuktige, maritime klimaet i regionen.

Osorno ligg over ein 250 000 år gammal erodert stratovulkan, La Picada, med ein 6 km vid kaldera.

Galleri

• 
  Petrohuéstryka (Saltos del Petrohué) med Osorno i bakgrunnen
• 
  Ski La Burbuja på Osorno
• 
  Osorno frå hamnebyen Petrohué.
• 
  Sola går ned bak toppen og syner snøfokk.
• 
  Det «raude krateret» i fjellsida av Osorno
• 
  Osorno føre Petrohuéstryka.
• 
  Osorno og Petrohuéstryka.

Kjelder

• Denne artikkelen bygger på «Osorno (volcano)» frå Wikipedia på engelsk, den 14. januar 2014.
  • Wikipedia på engelsk oppgav desse kjeldene
• Biggar, John (2005). The Andes: A Guide for Climbers (3rd ed.). Andes Publishing (Scotland). s. 304 pp. ISBN 0-9536087-2-7. 
• González-Ferrán, Oscar (1995). Volcanes de Chile. Santiago, Chile: Instituto Geográfico Militar. s. 640 pp. ISBN 956-202-054-1.  (på spansk)

Bakgrunnsstoff

• Rundt Osorno detaljert skildring