Wakefield

Wakefield
Sentrum sett frå Sandal Castle
Plassering
Styresmakter
Land	Storbritannia
Konstituerande land	England
Grevskap	West Yorkshire
Distrikt	City of Wakefield
Geografi
Innbyggjarar  - By (2007)	79 894
Koordinatar	53°41′″N 1°30′″W
Diverse annan informasjon
Postnummer	WF1,WF2
Telefon-retningsnummer	01924
Commons har multimedium som gjeld: Wakefield

Wakefield er ein by i West Yorkshire i England. Han ligg ved elva Calder, sør for Leeds, og inngår i den sameinte styresmakta City of Wakefield.

Byen var tidlegare eit sentrum for tekstilhandel, og området var frå den industrielle revolusjonen dominert av kolgruvedrift. Under den store gruvearbeidarstreiken i 1984 var alle gruvene i umiddelbar nærleik av byen stengde, men det var 18 gruver igjen i resten av distriktet, og byen var prega av mange demonstrasjonar til støtte for gruvearbeidarane.

Wakefieldkatedralen vart restaurert av sir George Gilbert Scott. Han har eit spesielt kapell frå 1300-talet, som er éit av berre fire av sitt slag som er bevarte i England. Det er ei rekkje andre kulturelle attraksjonar i byen, blant anna Yorkshire Sculpture Park, Sandal Castle, National Coal Mining Museum for England, eit stort kunstgalleri og eit bymuseum (Wakefield Museum). I mai 2011 opna kunstmuseet The Hepworth Wakefield som er til minne om bilethoggaren Barbara Hepworth som vart fødd i Wakefield i 1903.

Området Westgate hadde tidlegare dei største talet på pubar plassert vegg-i-vegg i England, og Westgate Run er ein kjend pub-til-pub-runde.

Kjende personar frå Wakefield

• Kenneth Leighton, komponist