Wantsum
Wantsum er ei elv i grevskapet Kent, England. Ho er ei sideelv til Stour. På området der Wantsum og den nedre delen av Stour i dag renn låg tidlegare Wantsumkanalen, eit sund som skilde Isle of Thanet frå fastlandet i Kent. I dag er Wantsum ikkje stort meir enn ei dreneringsgrøft som byrjar like austom Reculver, renn sørover gjennom dei rike jordbruksområda på den tidlegare havbotn, og munnar ut i Stour ved Stourmouth. Frå vest kjem sideelva Sarre Penn (lokalt òg kalla Fishbourne Stream, som lauper saman med Wantsum ved Sarre.[1]
| Wantsum | |||
| elv | |||
 Wantsum i dag. I romersk tid var dette eit to kilometer breitt sund der havgåande fartøy kunne segle.
| |||
| Land |  England
| ||
|---|---|---|---|
| Grevskap | Kent | ||
| Lengd | 10,8 km | ||
| Kjelde | ved Reculver 21°22′44″N 01°12′13″E / 21.37889°N 1.20361°E | ||
 Wantsum 51°23′00″N 1°14′00″E / 51.383333333333°N 1.2333333333333°E | |||
 Kart over elva Stour og sideelvene, med Wantsum lengst nord.
| |||
| Wikimedia Commons: River Wantsum | |||
Beda sa på 700-talet at Wantsum – altså Wantsumkanalen – var tre furlong brei (ca 600 meter). I 1414 fanst det enno ei ferje som kryssa over Wantsum ved Sarre, men i 1550 var Thanet ikkje lenger ei øy. Ved Reculver bygde romarane eit fort som låg rundt 1,5 kilometer frå sjøen, medan historikaren John Leland på første delen av 1500-talet sa at Reculver låg 400 meter frå sjøen, og den store stormen i 1809 tok til slutt med seg halve fortet. Det blir hevda at det eroderte materialet vart frakta langs kysten og med tida blokkerte den nordlege munningen til Wantsumkanalen.[2]
Kjelder
endre- Denne artikkelen bygger på «Wantsum» frå Wikipedia på bokmål, den 6. juli 2011.
- Wikipedia på bokmål oppgav desse kjeldene:
- ↑ Kent.gov.uk Crab and Winkle Way (PDF), arkivert frå originalen (PDF) 7. september 2006, henta 6. juli 2011
- ↑ Jessup, Frank (1966). Kent History Illustrated. Maidstone, Kent: Kent Education Committee. s. 72.