Washington Allston

Washington Allston (5. november 1779–9. juli 1843) var ein USA-amerikansk diktar og målar, fødd i Waccamaw i Sør-Carolina. Han var ein pioner i nordamerikansk landskapsmåling. I samtida var han kjend for si eksperimentering med dramatiske motiv og sin dristige bruk av lys og atmosfæriske fargar.

Washington Allston
Statsborgarskap	USA
Fødd	5. november 1779 Charleston i Sør-Carolina
Død	9. juli 1843 (63 år) Cambridge i Massachusetts
Yrke	kunstmålar, lyrikar, skribent, romanforfattar, kunstnar
Språk	fransk, engelsk
Medlem av	American Academy of Arts and Sciences, Royal Academy of Arts
Far	William Allston
Mor	Rachel Moore Flagg
Ektefelle	Martha Remington Dana, Ann Channing Allston
Washington Allston på Commons

Månelyst landskap, 1809

Liv og gjerning

Allston tok eksamen ved Harvard College i 1800. Han reiste deretter til Europa, der han dei neste tre åra studerte kunst ved Royal Academy of Arts i London, ein institusjon som då vart leia av den anglo-amerikanske målaren Benjamin West. Frå 1803 til 1808 besøkte Allston store museum i Paris og deretter i Italia. I Italia møtte han Samuel Taylor Coleridge og dei to vart venner for livet. Samuel Morse, ein av Allstons kunststudentar fylgde han til Vest-Europa i 1811. Etter reisa gjennom Vest-Europa busette han seg i London, der han mottok prisar for bileta sine. I 1813 gav han ut diktverket The Sylphs of the Seasons, with Other Poems.

Allston vart av og til kalla «Den amerikanske Tizian», ettersom stilen hans minte om den store venetianske renessansemålaren. I tillegg nytta han dei same dramatiske fargekontrastane som Tizian. I 1818 reiste Allston tilbake til USA, og budde i Cambridge i Massachusetts til han døydde i 1843, 64 år gammal. Han var onkel til målarane George Whitng Flagg og Jared Bradley Flagg, begge desse gjekk i lære hos Allston.

Kjelder

• Denne artikkelen bygger på «Washington Allston» frå Wikipedia på engelsk, den 4. juli 2013.