Weeping Wall
| Weeping Wall Song av David Bowie frå albumet Low | ||
| Utgjeve | 14. januar 1977 | |
| Innspelt | Oktober–november 1976 | |
| Sjanger | Ambient, minimalisme | |
| Lengd | 3:28 | |
| Selskap | RCA | |
| Låtskrivar(ar) | David Bowie | |
|---|---|---|
| Produsent | David Bowie, Tony Visconti | |
«Weeping Wall» er eit instrumentalt stykke av David Bowie frå albumet hans Low, gjeve ut i 1977.
Bowie har sagt at sporet er meint å framkalle elendigheita Berlinmuren skapte, og er eit portrettstykke som dei andre spora på side to av Low.[1] Hovudmelodien er ei utgåve av melodien «Scarborough Fair».[2]
Bowie speler alle instrumenta på innspelinga og er det einaste solosporet på albumet. Dette omfattar fleire perkusjonsinstrument og synthesizerar. Ein kan òg høyre røysta hans i eit ordlaust refreng. Den minimalistiske stilen skal vere inspirert av komponisten Steve Reich. I følgje Reich hadde Bowie vore på den europeiske premieren av Music for 18 Musicians ved Nasjonalgalleriet i Berlin i 1976.[3][4] «Og eg trur 'Weeping Wall' på Low tildels er basert på det,» har Reich sagt. Bowie sjølv hugsa han såg Music for 18 Musicians framført i «sentrum av New York seint i 1970-åra» og skildra det som «balinesisk gamelan-musikk kryssa med minimalisme... Forbausande.»[5]
Brian Eno og NME-redaktørane Roy Carr og Charles Shaar Murray har meint at «Weeping Wall» byrja som ein del av det skrinlagde filmusikkprosjektet for The Man Who Fell to Earth, medan Bowie sjølv har sagt at stykket vart komponert spesifikt for Low.[2][6]
Medverkande endre
- David Bowie – vokal, gitar, vibrafon, xylofon, synthesizer, piano, Chamberlin, perkusjon
Kjelder endre
- Denne artikkelen bygger på «Weeping Wall (instrumental)» frå Wikipedia på engelsk, den 14. august 2021.
- Wikipedia på engelsk oppgav desse kjeldene:
- ↑ Tim Lott (1977). Interview. Record Mirror (September 1977) cited at BowieGoldenYears
- ↑ 2,0 2,1 Roy Carr & Charles Shaar Murray (1981). Bowie: An Illustrated Record: s.89
- ↑ Dayal, Geeta (11. september 2014). «Steve Reich: 'Radiohead is my kind of music'». The Guardian (på engelsk). ISSN 0261-3077. Henta 14. august 2021.
- ↑ «Steve Reich: When I Met David Bowie».
- ↑ Bowie, David. «David Bowie's Favorite Albums». Vanity Fair (på engelsk). Henta 14. august 2021.
- ↑ Hugo Wilcken (2005). Low: p.16