Wellingborough

Wellingborough
Wellingborough ved breidda av Nene
Plassering
Styresmakter
Land	Storbritannia
Konstituerande land	England
Grevskap	Northamptonshire
Distrikt	Wellingborough
Grunnlagd	500-talet
Geografi
Innbyggjarar  - By (2007)	51 177
Koordinatar	52°18′″N 0°42′″W
Diverse annan informasjon
Postnummer	NN8 NN9
Telefon-retningsnummer	01933
Commons har multimedium som gjeld: Wellingborough

Wellingborough er ein marknadsby i Northamptonshire i England, omkring 18 km frå Northampton. Han er administrasjonssenter for distriktet Wellingborough.

Byen ligg på nordsida av elva Nene, med den eldste delen i åsen over sletta elva renn over. Han vart grunnlagt på 500-talet og er i Domesday Book (1086) nemnt som Wendelburie. Namnet tyder «Byen til Wendel-folket». I 1201 fekk han marknadsrettar.

Det låg eit mindre kloster der, som var eit anneks til Croyland Abbey omkring 5 mil lenger ned langs elva. Bydelen kor klostret låg heiter no Croyland.

På Elizabeth I si tid var sir Christopher Hatton Lord of the Manor i Wellingborough. Han var ein av sponsorane for ekspedisjonane til sir Francis Drake.

Under den engelske borgarkrigen var det berre ein mindre samanstøyt i byen, men dette fekk noko merksemd fordi soknepresten, Thomas Jones, vart teke med til Northampton av parlamentarianarane. Etter borgarkrigen oppstod det ein stor koloni av Diggers der.

Kjelder

• Denne artikkelen bygger på «Wellingborough» frå Wikipedia på bokmål, den 14. juli 2011.