Werner Schildhauer
Werner Schildhauer (fødd 5. juni 1959) er ein tysk tidlegare langdistanseløpar frå Dessau som representerte Aust-Tyskland. Han vann to sølvmedaljar under så vel EM 1982 som VM 1983.
| Werner Schildhauer | |
|
| |
| Statsborgarskap | Tyskland, Den tyske demokratiske republikken |
| Fødd | 5. juni 1959 (64 år) Dessau |
| Idrett | friidrett |
| Tok del i | |
Spurtsterke Schildhauer vart slått av italienaren Alberto Cova med 0,18 sekund i kampen om sigeren på 10 000 meter under EM i friidrett 1982. Fem dagar seinare tok Schildhauer ein ny sølvmedalje. På 5 000 m måtte han sjå seg klart slått i spurten av den tidlegare 1500-meterløparen Thomas Wessinghage frå Vest-Tyskland. 28. mai 1983 sette Schildhauer europarekord på 10 000 meter då han vart klokka i mål på 27.24,9 i Jena, 2,5 sekund bak verdsrekorden. Ved den fyrste verdsmeisterskapen i friidrett, i Helsinki i august 1983, enda Schildhauer 0,14 sekund bak Alberto Cova på mila. Schildhauer kneip VM-sølv nummer 2 då han på 5 000 meter viste arrangørlandets Martti Vainio til bronseplass. Ingen av dei to kunne gjere noko med den tidlegare 1500-meterløparen, irske Eamonn Coghlan, på oppløpssida.
Kjelder endre
- Werner SCHILDHAUER | Profile World Athletics
- Denne artikkelen bygger på «Werner Schildhauer» frå Wikipedia på tysk, den 7. august 2023.