Wikipedia:Pressemeldingar/Nynorsk Wikipedia

Pressemelding november 2004:
Wikipedia på nynorsk (nn.wikipedia.org) passerte den 27. oktober meir enn 1000 artiklar. Wikipedia, eit prosjekt som vert drive av The Wikimedia Foundation, er eit fritt og ope oppslagsverk der friviljuge skriv og redigerer artiklane. Wikipedia er verdas største og raskast veksande leksikon og vert i ulikt omfang utvikla på meir enn 100 språk. Den 20. september passerte wikipedia 1 000 000 artiklar totalt.

Eit nynorsk nettleksikon er dermed på veg til å bli realisert — førti år etter at siste bandet av tibandsverket Norsk Allkunnebok kom ut i 1964.

Tidlegare nynorske oppslagsverk

Dataalderen og nynorsk

Nynorsk tapar terreng på grunn av manglande internettressursar

For at eit språk skal vera levande i dagens samfunn, må det òg kunna nyttast innan informasjonsteknologien. Der er få internettressursar på nynorsk, men wikipedia på nynorsk kjem raskt til å bli ein møtestad for nynorskbrukarar. I tillegg til å vera ein stad der ein kan både skriva og lesa nynorsk og på same tida medverka i produksjonen av Noregs nyaste nynorskleksikon, er det eit inkluderande minisamfunn, der nynorskbrukarar frå heile landet kan møtast utan å møta noko av den motstanden me vert så vande med elles i samfunnet.

Byrjinga åt Nynorsk wikipedia — viktige datoar

• 31. juli: Internettdomenet nn.wikipedia.org vart aktivisert av Bjarte Sørensen (Sydney i Australia).
• 5. august: Artikkel nummer 1 blir oppretta, Sekken i Romsdal.
• 7. september: Artikkel nummer 100 blir oppretta, 1802.
• 6. september: Brukargrensesnittet blir grovomsett til nynorsk av Olve Utne (New York i USA), og omsetjinga blir vidareutvikla av Guttorm Flatabø (Leikanger i Sogn) og Olve Utne i samarbeid med andre medlemmer av Nynorsk wikipedia.
• 22. september: Logoen er på plass, med slagordet Wikipedia - Det frie oppslagsverket.
• 23. oktober: Nynorsk grensesnitt blir aktivert som avløysar til det engelske grensesnittet som fanst føre dette.
• 27. oktober: Artikkel nummer 1000 blir oppretta, Sauda.

Vegen vidare

Denne pressemeldinga er lisensiert som offentleg eigedom (public domain) og kan brukast og attgjevast fritt.