William Etty
William Etty (10. mars 1787–13. november 1849) var ein britisk målar fødd i York. Han vart særleg kjend for sine aktmåleri, gjerne i form av mytologiske motiv.
| William Etty | |
 | |
| Statsborgarskap | Det sameinte kongeriket Storbritannia og Irland, Kongeriket Storbritannia |
| Fødd | 10. mars 1787 York |
| Død |
13. november 1849 (62 år) |
| Yrke | kunstmålar |
| Medlem av | Royal Academy of Arts |
| Far | Matthew Etty |
| Mor | Esther Calverley |
| William Etty på Commons | |
Liv og gjerning
endreEtty arbeidde som boktrykkar til han i 1807 byrja studere på kunstakademiet i London, fyrst under Henry Fuseli og seinare under Thomas Lawrence. Han utdanna seg vidare i Venezia frå 1822 til -24, der han tileigna seg fargebruken til dei gamle, lokale meistrane.
Kunsten til Etty er elles prega av nyklassisismen. Han dreiv særskilt på med studiar etter nakne kvinnemodellar, men var på mange måtar ein eklektikar som i form og farge slutta seg til eldre kunst. Etty sleit med å slå an hos eit kjøpesterkt publikum, fyrst med Kleopatra frå 1821 vann han seg eit namn. Andre kjende motiv frå hans hand er Pandora frå 1824, og dei tre Judit-måleria Venus, Odysseus og Sirenene, dei siste vert rekna som hans hovudverk. Det storfelte motivet Stormen måla han i 1830.
Kjelder
endre- Denne artikkelen bygger på «William Etty» frå Wikipedia på tysk, den 25. februar 2014.
- Denne artikkelen bygger på «William Etty» frå Wikipedia på svensk, den 25. februar 2014.