Worshipful Company of Upholders
Worshipful Company of Upholders er eit gammalt laug, eit livery company, i City of London. «Upholder» er ei arkaisk form av upholsterer, som tyder ‘møbelpolstrar’. I eldre tid dreiv folk innan dette yrket både med tillaging og sal av polstra møblar, og kunne også driva med anna møbelsnikkararbeid, interiørvarer, taksering, auksjonar og gravferdsarbeid.
| Worshipful Company of Upholders | |||
| Skipa | 1. mars 1360 | ||
|---|---|---|---|
| Nettstad | https://upholders.co.uk/  | ||
Lauget blei skipa 1. mars 1360 og offisielt gjeve eit kongeleg charter av Karl I i 1626. Det hadde opphavleg retten til å setja standardar for polstring i London, og å leita etter, konfiskera og øydeleggja polstra varer som ikkje nådde standarden. Over tid mista lauget mykje av makta si, og gjekk som polstringsyrket tilbake etterkvart som det blei utvikla ny teknologi.[1]
Polstrarar arrangerte gravferda til admiral lord Nelson, og lauget omfattar framleis gravferdsbyrå.[1]
Lauget gjev støtte til handverket og handverkarar innan faget gjennom velgjerdsorganisasjonane sine som Peter Jackson Charity og Neville Hayman Charity. Det har særleg tette band til TS Upholder, ei sjøkadetteining i Chelmsford.
Lauget og laugsmedlemmane er aktivt involverte i mange organisasjonar i City of London, mellom anna Castle Baynard Ward Club, ettersom lauget hadde laugshallen sin i i denne warden fram til bybrannen i London i 1666. Mottoet til lauget er Sustine Bona, latin for ‘hald oppe det gode’.[1]
Kjelder
endre- ↑ 1,0 1,1 1,2 «Upholders». The Upholders' Company.
- Denne artikkelen bygger på «Worshipful Company of Upholders» frå Wikipedia på engelsk, den 10. juni 2023.
Bakgrunnsstoff
endre- John Houston, Feather Bedds and Flock Bedds