Zacharias Melleby

Zacharias Rasmussen Melleby (20. desember 1781–9. november 1854) var ein norsk soldat, gardbrukar og eidsvollsmann frå Skjeberg i Østfold.

Zacharias Melleby
Fødd	20. desember 1781 Skjeberg kommune
Død	9. november 1854 (72 år)
Statsborgar av	Noreg
Yrke	bonde, politikar
Alle verv	medlem av Riksforsamlinga på Eidsvoll (1814–1814)

Melleby var fødd på garden Utengen i Skjeberg, som far hans dreiv. Sjølv var han soldat i krigen 1807-14. Under kampane på Prestbakke den 10. januar 1808 kjempa han i fremste rekke i den norske styrken. Han stod då i nordre Rakkestad kompani. For sitt utviste mot under kampane vart han etterpå tildelt dannebrog. I 1814 var han kommandersersjant ved akershusiske skarpskyttarregiment.

Våren 1814 var han ein av dei som representerte skarpskyttarregimentet under riksforsamlinga på Eidsvoll.

Seinare var Melleby gardbrukar på farsgarden Utengen, der han døydde i 1854.

Kjelde

• Tallak Lindstøl: Stortinget og Statsraadet 1814-1914. Kristiania, 1914

Bakgrunnsstoff

• Biografisk informasjon om Zacharias Melleby NSD Norsk senter for forskningsdatas politikararkiv