Åsane gamle kyrkje

	Åsane gamle kyrkje
	kyrkje
	Foto: B. Ystebo
Kyrkjesamfunn	Den norske kyrkja
Bispedøme	Bjørgvin
Prosti	Åsane
Sokn	Åsane
Fellesråd	Bergen
Arkitekt	Ole Landmark
Teknikk	Mur
Material	Teglstein
Innvigd	1795
- Endringar	Utv. 1891–95, rest. 1935, brann 1992, bygd opp att 1995
Kyrkjegard	Ja
Orgel	Gunnar Fabricius Husted (1995)
Sitjeplassar	240
	; Åsane gamle kyrkje; 60°28′30″N 5°19′33″E / 60.4751°N 5.3257°E
	Wikimedia Commons: Åsane gamle kirke

Åsane gamle kyrkje er ei langkyrkje frå 1795 på Saurås i Åsane i Bergen kommune (Hordaland fylke). Kyrkja ligg i Sauråsbakken nedanfor Saurås gard.

Historie endre

Ei kyrkje på same staden er nemnt alt i 1598. Steinkyrkja, om lag slik vi kjenner ho i dag, vart vigsla av biskop Johan Nordahl Brun. På 1800-talet vart kyrkja bygd om fleire gonger. Byggverket er i stein og tre.

I 1935 vart kyrkja restaurert av arkitekt Ole Landmark. Eit murt sakristi vart då bygd vinkelrett på nordmuren i koret.^[1]

Kyrkja vart tent på (av Varg Vikernes og Jørn Tunsberg) og brann ned julaftan 1992.^[2]^[3] Ho vart bygd opp att som ein tro kopi med dei opphavelege steinmurane og ny treinnreiing, og vart nyinnvigd 19. november 1995 av biskop Ole Danbolt Hagesæther. Det var mogleg å byggje opp att kyrkja i same utforminga fordi ein hadde mange amatørbilete å sjå etter. Mange eldre gjenstandar som befann seg i kyrkja, gjekk tapt i brannen. Kyrkja har eit krusifiks frå 16–1700-talet som truleg er frå ei tysk kyrkje, og som skipsreiar Arne Steckmest forærte til kyrkja i 1997.

Det står ein minnebauta over falne frå Åsane i andre verdskrigen nær kyrkja. På gravplassen er det reist ein minnestein over falne russiske soldatar i krigsåra 1941–45.