Île du Levant
Île du Levant, stundom berre kalla Le Levant, er ei øy i Middelhavet utanfor kysten av Den franske riveraen, nær Toulon. Ho er ei av tre øyar i øygruppa Îles d'Hyères i Frankrike. Øya er 8 km lang, 2 km brei, og ligg i Golfe du Lion. Om lag 90 % av øya høyrer til det franske militæret, der dei har eit testsenter for missilar (Centre d'Essais de Lancement de Missiles). Frå her har dei sendt opp svært mange forskings- og testrakettar sidan staden vart oppretta i 1948. Det meste av øya er derfor ikkje tilgjengeleg for allmennheita.
| Île du Levant | |
|---|---|
| |
| Geografi | |
| Stad | Middelhavet |
| Koordinatar | |
| Øygruppe | Îles d'Hyères
|
| Administrasjon | |
| Land | Frankrike |
| Departement | Var |
| Største busetnad | Héliopolis
|
På 1400-talet levde munkar på øya, og ruinane etter klosteret deira ligg her framleis.
I 1931 oppretta legane Gaston og André Durville Héliopolis, den første busetnaden i Europa som var tileigna naturisme. Byen vart bygd i åssida og er dominert av Fort Napoleon. Bain de Diane og Plage des Grottes er to nudiststrender reservert for naturistar. Bortsett frå Héliopolis, ligg naturreservatet Domaine des Arbousiers på øya.
Det går båtruter til øya frå Hyères og Le Lavandou.
Forfattaren Robert A. Heinlein skreiv begeistra om øya i romanen Glory Road.
Bakgrunnsstoff
endre- Iles d'Hyères på letsgo.com Arkivert 2008-03-12 ved Wayback Machine.
- Pleasure island Arkivert 2006-05-29 ved Wayback Machine.
- Kart ovar øya Arkivert 2012-04-15 ved Wayback Machine.
- Utdrag frå romanen Glory Road om øya Arkivert 2007-03-13 ved Wayback Machine.
- Historie om rakettvitskap Arkivert 2005-02-04 ved Wayback Machine.
- Oppskytingar frå øy
- http://www.iledulevant.com.fr/en/
