Ørnfjorden

Ørnfjorden er ein fjordarm av Øyfjorden på Senja i Senja kommune i Troms. Fjorden strekkjer seg 4 km sørover til Ørnfjordbotn.

Fjorden har innløp mellom Purkneset i vest og Keipneset i aust. Fiskeværet Fjordgard ligg på vestsida av fjorden, like sør for Purkneset. På austsida er det berre garden Ørnfjordbotn heilt inst i fjorden av busetnader. Fjorden ligg mellom dei bratte fjella Grytetippen (885 moh) og Barden (659 moh).

Fv275 går langs vestsida av fjorden.