Anárjohka nasjonalpark

Anárjohka nasjonalpark (nordsamisk: Anárjoga álbmotmeacci) er ein nasjonalpark sør i Finnmark fylke oppretta ved forskrift i 1975. Saman med den tilgrensande finske nasjonalparken Lemmenjoki utgjer parken eit stort, urørt naturområde i nord. Nasjonalparken ligg avsides til på ein urørt del av Finnmarksvidda. Eit bølgande viddelandskap med bjørkeskog, furumoer, store myrer og mange vatn pregar nasjonalparken.

Anárjohka nasjonalpark
nasjonalpark
Land	Noreg
Fylke	Finnmark
Kommunar	Karasjok, Kautokeino
Høgaste punkt	Gurbbeš
•  høgd	589 moh.
Areal	1 409 km²
Oppretta	19. desember 1975
Anárjohka nasjonalpark 68.82916°N 24.64309°E / 68.82916; 24.64309

Parken endra i juli 2021 namn fra Øvre Anarjokka nasjonalpark til Anárjoga álbmotmeacci/Anárjohka nasjonalpark.

Plassering

Anárjohka nasjonalpark ligg aust på Finnmarksvidda og omfattar areal i Karasjok og Kautokeino kommunar i Finnmark fylke.

Vern og bruk

Formålet med Anárjohka nasjonalpark er å ta vare på eit stykke av Finnmarksvidda med eit representativt utval av dei naturtypar som forekjem der, så som furuskog, bjørkeskog og vidde med kratt, myr, vatn, elvar og låge fjell. Dyre- og plantelivet skal få utvikle seg mest mogleg fritt utan påverkning frå menneske.

Verneforskriften tillèt tradisjonell reindrift. Bygging av gammer for reindrifta og eit avgrensa tal hytter eller buer for ålmen bruk, kan tillatast av Fylkesmannen som forvaltingsstyresmakt.

Bakgrunnsstoff

• Direktoratet for naturforvalting, informasjon om Øvre Anarjóhka (sic!) nasjonalpark. Arkivert 2007-09-30 ved Wayback Machine.
• PDF-kart over Øvre Anarjåkka (sic!) nasjonalpark Arkivert 2007-09-30 ved Wayback Machine.
• Forskrift om fredning av Øvre Anarjokka (sic!) nasjonalpark, Karasjok og Kautokeino kommuner, Finnmark
• DNT-turplanleggar