Øyvind Strømmen
Øyvind Strømmen (fødd i 1980) er ein norsk journalist og forfattar. Han har markert seg for si kartlegging av høgreekstreme miljø på nettet.
| Øyvind Strømmen | |
 | |
| Statsborgarskap | Noreg |
| Fødd | 24. april 1980 (44 år) |
| Bustad | Samnanger |
| Utdanning | Religionsvitskap ved UiB |
| Yrke | journalist |
| Kjend for | forfattar og journalist |
| Språk | norsk |
| Politisk parti | Miljøpartiet dei Grøne |
| Nettstad | http://oyvindstrommen.no/ |
| Øyvind Strømmen på Commons | |
Bakgrunn
endreStrømmen har studert religionsvitskap ved Universitetet i Bergen, med journalistikk, Midt-Austen-historie og bibelsk hebraisk i fagkrinsen.[1]. Han er innvald i fylkestinget for Miljøpartiet dei Grøne i Hordaland, og er kommunestyrerepresentant i heimkommunen Samnanger[2]. Tidlegare har han vore aktiv i det belgiske grøne partiet Groen![3].
Virke
endreMedan han var busett i Belgia kartla Strømmen ekstremistiske og antimuslimske miljø. Saman med Shoaib Sultan skreiv han i 2007 ein artikkel i Samtiden som åtvara mot høgre-ekstrem terrorisme. I ettertida vart han skulda for å maksimalisere trugsmålet frå «det dei kallar "høyre-ekstremismen"» av Hallgrim Berg[4].
Før terroråtaka 22. juli 2011 hadde media vigd det anti-islamske miljøet lita interesse. I månadane etter terrorhandlinga vart Strømmen ein hyppig nytta kommentator og skribent om miljøa Anders Behring Breivik hadde henta sin inspirasjon frå, og i 2011 vart han kåra til Årets frilanser av Frilansjournalistene i Norsk Journalistlag[5].
Sidan 2011 har han publisert fire bøker på Cappelen Damm. Våren 2018 gir han ut boka Ungarn. En diagnose på Humanist forlag.
Bøker
endre- Det mørke nettet. Om høyreekstremisme, kontrajihadisme og terror i Europa.[6] (Cappelen Damm, 2011)
- Den sorte tråden. Europeisk høyreradikalisme fra 1920 til i dag (Cappelen Damm, 2013)
- I hatets fotspor – sakprosa om antimuslimske rørsler i Europa (Cappelen Damm, 2014)
- Anders Lange. En norsk historie – biografi om Fremskrittpartiets grunnleggjar, Anders Lange.[7] (Cappelen Damm, 2016)
Referansar
endre- ↑ journalisten.no Ekstremistjournalisten 11.11.2011
- ↑ mdg.no Øyvind Strømmen Arkivert 2017-10-27 ved Wayback Machine.
- ↑ mdg.no Øyvind Strømmen Arkivert 2017-10-27 ved Wayback Machine.
- ↑ Samtiden Åndeleg terrorisme frå Strømmen og Sultan
- ↑ journalisten.no Kåret til årets frilanser 31.10.2011
- ↑ NRK.no «Den ensomme ulven kommer fra en flokk» anmeldelse av boka Det mørke nettet av Tarjei Skirbekk 16.11.2011
- ↑ Hegdal, Ola (11. november 2016). «Anmeldelse av «Anders Lange. En norsk historie» av Øyvind Strømmen». NRK. Henta 24. november 2016.
Bakgrunnsstoff
endre- Nettstaden til Øyvind Strømmen Arkivert 2012-10-14 ved Wayback Machine.
- Publikasjonar av Øyvind Strømmen i BIBSYS