Ada Bojana

Ada Bojana (tyder «Øya Bojana») er ei øy i kommunen Ulcinj i Montenegro.

munningen til elva Bojana med den trekanta øya Ada Bojana

Øya ligg i elvedeltaet til elva Bojana (eller Buna). Ho er ei kunstig øy som oppstod då eit skip sokk ved munningen til Bojana og avleiringar frå elva samla seg kring skipet. Ho ligg heilt sør i Montenegro og berre Bojana sjølv skil ho frå Albania.

Øya har ei trekanta form og grensar til Bojana på to sider og til Adriahavet i sørvest. Ho har eit areal på 4,9 km².

Øya er ein populær turistdestinasjon med ei 3 km lang sandstrand og mange fiskerestaurantar.

Kjelder

• Denne artikkelen bygger på «Ada Bojana» frå Wikipedia på engelsk, den 6. februar 2008.