Adapazarı

Adapazarı er ein by nordvest i Tyrkia og administrasjonssenter i provinsen Sakarya. Provinsen sjølv hadde opphavleg òg namnet Adapazarı. Adapazarı er ein del av den tett folkesette Marmararegionen. Byen har 239 284 innbyggjarar (2011).

Adapazarı
by
Land	Tyrkia
Region	Marmararegionen
Provins	provinsen Sakarya
Høgd	31 moh.
Koordinatar	40°47′N 30°24′E
Areal	562 km²
Folketal	239 284
Borgarmeister	Suleyman Disli
Tidssone	EET (UTC+2)
- Sommartid	EEST (UTC+3)
Postnummer	54***
Retningsnummer	(+90) 264
Adapazarı 40.77625°N 30.40256°E / 40.77625; 30.40256
Kart som viser Adapazarı. Kart som viser Adapazarı.
Wikimedia Commons: Adapazarı
Nettstad: Municipality site

Av næringar i byen finn ein lettindustri, mellom anna produksjon av silke og lintøy, samt dyrking av kveite, frukt og grønsaker i nærleiken av byen. Byen eksporterer tobakk, valnøtter, kokongar og grønsaker til Istanbul. Industrien veks etter at Toyota har investert ti milliardar kroner på ein ny bilfabrikk som produserer Toyota Corolla.

Byen ligg ved ei gammal militær gjennomfartsåre frå Istanbul mot aust. Han er tilknytt til jernbanenettverket i Anatolia sidan slutten av 1800-talet.

Klima

Adapazarı har eit fuktig subtropisk klima (Köppen si klimaklassifisering Cfa), med stor påverknad frå maritimt og kontinentalt klima. Somrane er varme og særs fuktige, og den gjennomsnittlege maksimumstemperaturen er kring 29 °C i juli og august, sjølv om temperaturane vanlegvis når 30 °C i juni, juli, august og september. Vintrane er kjølige og fuktige, og den lågaste gjennomsnittlege minimumstemperaturen er kring 3 °C i januar. Det kjem ein del nedbør og denne er jamt fordelt året rundt, men mest kjem det om hausten, vinteren og våren. Det er vanleg med snø frå desember til mars.

Vêrdata for Adapazarı
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Gjennomsnittleg maks °C	9,6	10,6	13,6	18,7	23,4	27,6	29,3	29,3	26,1	21,2	16,2	11,5	19,8
Døgnmiddeltemperatur °C	6,1	6,4	8,6	12,8	17,3	21,5	23,4	23,2	19,5	15,5	11,3	8	14,5
Gjennomsnittleg min °C	3,1	3,1	4,7	8,2	12,1	15,9	18,1	18,2	14,5	11,3	7,4	5	10,1
Gjennomsnittleg nedbør mm	94,1	77	70	61,2	49,5	67,1	53,1	47,6	47,8	89,4	85,8	104,2	846,8
Gns. solskinstimar i månaden	71,3	81,2	117,8	150	210,8	249	272,8	260,4	204	139,5	96	71,3	1 924,1
Kjelde: Devlet Meteoroloji İşleri Genel Müdürlüğü

Kjelder

• Denne artikkelen bygger på «Adapazarı» frå Wikipedia på engelsk, den 22. august 2012.
  • Wikipedia på engelsk oppgav desse kjeldene: