Adri van Tiggelen
Adrianus Andreas van Tiggelen, kjend som Adri van Tiggelen, (fødd 16. juni 1957) er ein nederlandsk tidlegare fotballspelar frå Oud-Beijerland. Han vart europameister i 1988 og vann seriegull med både RSC Anderlecht i Belgia og PSV Eindhoven i heimlandet.
.jpg) | |||
| Personleg informasjon | |||
|---|---|---|---|
| Fullt namn | Adrianus Andreas van Tiggelen | ||
| Fødselsdato | 16. juni 1957 (67 år) | ||
| Fødestad | Oud-Beijerland i Nederland | ||
| Høgd | 183 cm | ||
| Posisjon | Venstreback | ||
| Seniorkarriere* | |||
| År | Lag | Kampar | (Mål) |
| 1978-1983 | Sparta Rotterdam | 161 | (13) |
| 1983-1986 | Groningen | 97 | (5) |
| 1986-1991 | Anderlecht | 144 | (7) |
| 1991-1994 | PSV | 72 | (0) |
| 1994-1995 | Dordrecht'90 | 31 | (1) |
| Totalt | 505 | (26) | |
| Landslag | |||
| 1983-1992 | Nederland | 56 | (0) |
| * Seniorklubbkampar og mål berre telt for nasjonal liga | |||
Karriere
endreKlubbspel
endreTiggelen var profesjonell spelar i Sparta Rotterdam frå sommaren 1978. Etter fire år i Sparta flytta han over til FC Groningen. I 1986 fekk han så kontrakt med belgiske Anderlecht, eit lag han vart seriemeister med både i 1987 og 1991, og elles vann to nasjonale cuptitlar med. Frå siste triumfen i Belgia gjekk han over til PSV Eindhoven, der han allereie i sin fyrste sesong vart nederlandsk seriemeister. Etter tre sesongar i PSV avslutta han tida som aktiv spelar i Dordrecht 90 våren 1995.
_Hiele,_Van_Ti,_Bestanddeelnr_933-9664.jpg)
Landslagsspel
endreI åra frå 1983 til -92 var Tiggelen venstreback i 56 av landskampane til Nederland, utan nokon gong å kome på skåringslista. Han var i 1988 med på å vinne europameisterskapen i fotball, då Nederland slo Sovjetunionen i finalen med to mål mot null. Også under fotball-VM 1990 og EM 1992 var han fast på fyrstelaget til Nederland. Til liks med klubbkamerat i PSV, Hans van Breukelen, spelte han sin siste landskamp då Nederland rauk ut or europameisterskapen i den avsluttande straffeskytinga, etter ein semifinale der det stod 2-2 mot Danmark etter 120 minuttar.
Merittar
endre- Europameister: 1988 med Nederland
- Belgisk seriemeister: 1987 og 1991 med Anderlecht
- Belgisk cupmeister: 1988 og 1989 med Anderlecht
- Nederlandsk seriemeister: 1992 med PSV Eindhoven
Kjelder
endre- Denne artikkelen bygger på «Adri van Tiggelen» frå Wikipedia på engelsk, den 8. juni 2017.