Aleksej Pisemskij

Aleksej Feofilaktovitsj Pisemskij (russisk: Алексей Феофилактович Писемский), (23. mars 1821–2. februar 1881) var ein russisk forfattar og dramatikar. I samtida vart han rekna for å vere like stor forfattar som Ivan Turgenjev og Fjodor Dostojevskij. 1900-talets litteraturhistorikarar rekna han derimot ikkje som ein av dei aller største russiske forfattarane.

Aleksej Pisemskij
Statsborgarskap	Det russiske imperiet
Fødd	11. mars 1821 Tsjukhlomskoj ujezd
Død	21. januar 1881 (59 år) Moskva
Yrke	skodespelforfattar, romanforfattar, skribent
Språk	russisk
Aleksej Pisemskij på Commons

Liv og gjerning

Pisemskij var fødd i provinsen Kostroma. Etter universitetsstudiar i Moskva var han 1844-72 tenestemann i det offentlege, fyrst på heimlege trakter, sidan i St. Petersburg og Moskva. Han debuterte som forfattar i 1858 med romanen Bojarsjtsjina, ei bok som vart forboden grunna den vanvyrdige skildringa av den russiske adelen. Hans viktigaste romanar er Tusen sjeler (1858) som skildrar landsbylivet frå ulike sider, og I Malstrømmen (1863), som vekte stor merksemd på grunn av det politiske innhaldet og den personlege framstillinga.

Mellom Pisemskijs dramatiske verk er tragedien Ein bitter lagnad frå 1859 det mest kjende. Dramaet skildrar dei mørke sidene hos den russiske allmugen.

Verk på norsk

• I Malstrømmen. 1889-90
• Tusen sjeler. 1948

• Denne artikkelen bygger på «Aleksej Pisemskij» frå Wikipedia på engelsk, den 29. januar 2011.