Alfred Eder
Alfred Eder (fødd 28. desember 1953) er ein austerriksk tidlegare skiskyttar frå Piesendorf i forbundslandet Salzburg, som i perioden 1976-94 deltok i seks påfølgjande vinter-OL. Han vann to individuelle VM-medaljar i løpet av karrieren, begge i bronse. Sonen Simon Eder har delteke internasjonalt i skiskyting i fleire sesongar.
| Alfred Eder | |
| Statsborgarskap | Austerrike |
| Fødd | 28. desember 1953 (70 år) Piesendorf |
| Yrke | skiskyttar |
| Høgd | 200 centimeter |
Aktiv
endreEder deltok i vinter-OL 1976 på austerriksk heimegrunn, utan å kunne gjere seg gjeldande høgt oppe på resultatlistene. Frå 1978 byrja han i enkeltrenn å hevde seg mot dei beste skiskyttarane i verda, men hans internasjonale gjennombrot kom fyrst i 1983 då han tok bronsemedaljen på 10 km under VM i Antholz. Tre år seinare vann han i Oslo si andre VM-bronse, då på normaldistansen over 20 km.
I sin beste sesong i verdscup-turneringa, 1985, vart han nummer fire. Han la opp i 1995, etter å ha delteke i 20 internasjonale meisterskap på rad.
Medaljar og besteplasseringar i internasjonale meisterskap
endre- VM i skiskyting 1978 i Hochfilzen: Nr 11 på 10 km
- VM i skiskyting 1979 i Ruhpolding: Nr 8 på 10 km
- VM i skiskyting 1981 i Lahti: Nr 14 på 10 km
- VM i skiskyting 1983 i Antholz: Bronsemedalje på 10 km
- VM i skiskyting 1985 i Ruhpolding: Nr 4 på 10 km
- VM i skiskyting 1986 i Oslo: Bronsemedalje på 20 km
- Vinter-OL 1988 i Calgary: Nr 4 i stafett
- VM i skiskyting 1989 i Feistritz: Nr 9 på 20 km
- VM i skiskyting 1990 i Oslo: Nr 12 på 10 km
- VM i skiskyting 1991 i Lahti: Nr 18 på 20 km
- Vinter-OL 1994 på Lillehammer: Nr 10 på 20 km
Kjelder
endre- Sportsboken, aktuelle årgangar
- Denne artikkelen bygger på «Alfred Eder» frå Wikipedia på tysk, den 15. desember 2013.