Alicudi

Alicudi er den vestlegaste av Dei eoliske øyane. Ho ligg om lag 40 km vest for Lipari og har eit areal på 5,2 km². Ho er om lag sirkelforma.

Alicudi
Alicudi
Geografi
Stad	Tyrrenhavet
Koordinatar	38°32′45″N 14°21′00″E
Øygruppe	Dei eoliske øyane
Areal	5,2 km²
Administrasjon
Land	Italia
Region Provins	Sicilia Messina
Demografi
Folketal	120

Historie

Øya vart danna av den utdøydde vulkanen Montagnola for om lag 150 000 år sidan. Ein meiner at det siste utbrotet til vulkanen fann stad for om lag 28 000 år sidan.

Øya vart busett for så lenge sidan som 1600-talet f.Kr. og nokre arkeologiske funn frå denne perioden er funne. Ein kan framleis finne bitar av romersk keramikk frå seinare hundreår på austkysten av øya.

Det moderne namnet Alicudi er ei forvrenging av det greske namnet Ericusa (Ericaøya), som kjem frå planta kalla Erica, meir kjend som lyng, som framleis veks på øya. I mange hundreår herja sjørøvarane på Alicudi og innbyggjarane måtte søke tilflukt i små hus på høgtliggande terassar. Dette gjorde òg at enkelt jordbruk og dyrking av fersken danna grunnlaget for økonomien på øya.

Demografi

I dag har øya rundt 120 innbyggjarar og dei fleste livnærer seg på fiske eller småjordbruk. Det er berre ein restaurant på øya og menyen er kraftig avhengig av kva fisk dei lokale innbyggjarane har fanga eller kva matvarer hydrofoilen tar med seg.

Kjelder

• Denne artikkelen bygger på «Alicudi» frå Wikipedia på engelsk, den 5. november 2007.
  • Wikipedia på engelsk oppgav desse kjeldene:  

• Ezio Giunta (2005). «Alicudi». Estateolie 2005 - The Essential Guide: 98–99. 

Bakgrunnsstoff

• alicudi.it
• Turistinformasjon Arkivert 2005-04-03 ved Wayback Machine.
• Topografisk kart over øya Arkivert 2005-05-27 ved Wayback Machine.
• alicudi.info