Almost Cut My Hair
| «Almost Cut My Hair» Song av Crosby, Stills, Nash & Young frå albumet Déjà Vu | ||
| Språk | engelsk | |
| Utgjeve | 1970 | |
| Innspelt | 9. januar 1970 i Wally Heider's "Studio C" i San Francisco | |
| Sjanger | Rock | |
| Lengd | 4:18 | |
| Selskap | Atlantic | |
| Komponist | David Crosby | |
| Tekstforfattar | David Crosby | |
| Låtskrivar(ar) | David Crosby | |
|---|---|---|
| Produsent | Neil Young David Crosby Graham Nash Stephen Stills | |
«Almost Cut My Hair» er ein song skriven av David Crosby og innspelt av Crosby, Stills, Nash & Young for albumet Déjà Vu i 1970.
Songen er ein hymne til opprør og personleg fridom og vart innspelt i Wally Heiders «Studio C» i San Francisco. Det er ein av få songar frå Déjà Vu som vart spelt inn live av CSN&Y. Songen syner det rå og ufortrødne raseriet som vart synonymt med det elektriske materiale til supergruppa.[1] I følgje Allmusic er det liten tvil om at Crosby dominerer innspelinga med det som kanskje er den mest lidenskaplege vokalen i heile karrieren hans.[1] «Almost Cut My Hair» demonstrerer òg den trevegs elektriske «gitar-samtalen» mellom Crosby, Stephen Stills og Neil Young. Dette er mest truleg i instrumentalpartiet før «When I finally get myself together...».[1]
Det finst ein lengre og uklipt versjon av songen i plateboksen CSN. Ein soloversjon av songen med Black Crowes-vokalisten Chris Robinson finst på konsertplata til Crosby, It's All Coming Back to Me Now... frå 1994.
Medverkande endre
- David Crosby – solovokal, rytmegitar
- Stephen Stills – gitar
- Graham Nash – orgel
- Neil Young – gitar
Andre medverkande
- Dallas Taylor – trommer, perkusjon
- Greg Reeves – bass