Alphen aan den Rijn

Alphen aan den Rijn er ein kommune og by i Nederland i provinsen Zuid-Holland med om lag 70 000 innbyggjarar. Han ligg mellom byane Leiden og Utrecht ved elva Oude Rijn (Gamle Rhinen), der elva Gouwe forgreinar seg. Ruinane av ei gammal romersk festning ligg i byen.

Alphen aan den Rijn
Flagget til Alphen aan den Rijn Byvåpenet til Alphen aan den Rijn
Plassering
Plassering av Alphen aan den Rijn
Styresmakter
Land Provinsar	Nederland Zuid-Holland
Borgarmeister	Liesbeth Spies
Geografi
Flatevidd  - By    - Land    - Vatn	57,68 km²   55,06 km²   2,61 km²
Innbyggjarar  - Totalt (2007)    - folketettleik	71 545   1 299/km²
Koordinatar	52°8′N 4°39′E
Diverse annan informasjon
Nettstad: www.alphenaandenrijn.nl

Kommunen Alphen aan den Rijn inkluderer òg tettstadane Aarlanderveen og Zwammerdam. Byen ligg i det som vert kalla «det grøne hjartet» av Nederland, som er eit noko mindre folkesett område i storbyområdet Randstad.

Namnet Alphen kjem truleg frå den gamle romerske festninga Albanianae, som tyder «busetnaden ved det kvite vatnet».

Ridderhof

Laurdag 9. april 2011 drap den nederlandske 24-åringen Tristan van der Vlis tre kvinner og tre menn og seg sjølv på kjøpesenteret Ridderhof. Han skaut med ein maskinpistol mot folkemengda inne på senteret. Til saman døyde 7 personar og 16 blei skada.

Bakgrunnsstoff

• Offisiell side
• Grunnleggjande informasjon Arkivert 2006-01-04 ved Wayback Machine.
• Kart Arkivert 2008-08-02 ved Wayback Machine.

Kjelder

• Denne artikkelen bygger på «Alphen aan den Rijn» frå Wikipedia på engelsk, den 20. februar 2008.