Alqosh

Alqōsh (gammalsyrisk ܐܲܠܩܘ̣ܫ, arameisk אלקוש, arabisk ألقوش), stundom skrive Kar Aqosh, Al-qosh eller Alqush, er ein assyrisk by nord i Irak, 50 km nord for Mosul.

Alqosh
ܐܲܠܩܘ̣ܫ, ألقوش
by
Land	Irak
Guvernement	Ninive
Folketal	15 000
Grunnlagd	1500 fvt.
Alqosh 36.734166666667°N 43.096666666667°E / 36.734166666667; 43.096666666667
Wikimedia Commons: Alqosh

Historie

Rabban Hermizd-klosteret

Alqosh kan sporast attende til eldste periode av det assyriske riket, men kan særs vel vera endå eldre. Første gong byen nemnast er frå tida kring Sanherib tid, frå ca .750 f.Kr., i form av veggmåleri i Sanherib-palasset, oppdaga på haugen Tel Qwenjeq (Kuyunjik, Ninive) ved Mosul.

Om lag 3 km vest for byen ligg ruinane av Shayro Meliktha; her er restar av eit assyrisk tempel med eit relieff av Senherib som siktar med pil og bue.

Det er klippebustader langs henga over Alqosh, fordelt opp til toppen av fjellplatået. Dei er dekorert på liknande vis som dei ein har funne i andre koloniar under byen Ninive.

Alqosh og Elkosj

Elkosj, fødestaden til profeten Nahum, kunne ifølgje ein hypotese sett fram i 1847 av assyriologen Austen Henry Layard, tilsvare dagens Alqosh. Han viste til at det i området er assyrikske klippebilete og dessutan eit vidkjend kloster, Rabban Hormuzd, med mange gamle patriarkgraver. Han var ikkje sikker i saka si, og det er andre som har oppført at Nahum si eiga skildring av heimstaden ikkje rimar så godt med Alqosh.

Klima

Alqosh har eit halvtørt klima (BSh) med ekstremt varme og tørre somrar, og kjølige, våte vintrar.

Vêrdata for Alqosh
	Jan	Feb	Mar	Apr	Mai	Jun	Jul	Aug	Sep	Okt	Nov	Des	År
Gjennomsnittleg maks °C	12	14	20	26	34	38	43	40	38	30	20	14	27
Gjennomsnittleg min °C	2	4	8	11	16	21	25	24	20	14	6	4	13
Gjennomsnittleg nedbør mm	39	69	51	27	0	0	0	0	0	6	36	60	288
Gns. dagar med regn	10	10	11	9	0	0	0	0	0	5	8	12	65
Kjelde: World Weather Online (2000-2012)

Kjelder

• Denne artikkelen bygger på «Alqosh» frå Wikipedia på engelsk, og «Alqosh» frå Wikipedia på bokmål den 28. februar 2021.
  • Wikipedia på engelsk oppgav desse kjeldene: