Amanda Seyfried
Amanda Seyfried (fødd 3. desember 1985) er ein skodespelar, sopransongar og modell frå Allentown i Pennsylvania i USA.
| Amanda Seyfried | |
 | |
| Statsborgarskap | USA |
| Fødd | 3. desember 1985 (39 år) Allentown |
| Yrke | skodespelar, songar, fjernsynsskodespelar, filmskodespelar, songar-låtskrivar, modell, komponist, stemmeskodespelar |
| Språk | engelsk |
| Politisk parti | Det demokratiske partiet i USA |
| Medlem av | SAG-AFTRA |
| Partnar | Justin Long, Thomas Sadoski |
| Amanda Seyfried på Commons | |
Amanda Seyfried begynte å jobba som modell allereie som 11-åring, men slutta med det året ho fylte 17. Medan ho framleis var i tenåra tok ho songtimar og studerte opera. Den fyrste skodespelarjobben hennar var ei rolle i såpeserien As the World Turns 1999-2001, som då hadde gått samanhengande på amerikansk fjernsyn sidan 1956. Den fyrste filmrolla hennar var Lindsay Lohan-filmen Mean Girls (2004).
I 2008 fekk ho rolla som Sophie i ABBA-musikalfilmen Mamma Mia!, der ho song fleire ABBA-klassikarar for filmlerretet. Filmen hjelpte henne å bryta gjennom internasjonalt som skodespelar. Ho har seinare spelt hovudrolla i filmane Jennifer's Body (2009), Chloe (2009), Dear John (2010), Letters to Juliet (2010), In Time, samt Raudhette-filmen Red Riding Hood (2011).
I 2012 spela ho Cosette i Tom Hoopers filmatisering av musikalen Les Misérables, med m.a. Hugh Jackman, Anne Hathaway og Eddie Redmayne. Same året spela ho hovudrolla i Gone og året etter i Lovelace.
Kjelder
endre- Profil og filmografi på The Internet Movie Database
- Denne artikkelen bygger på «Amanda Seyfried» frå Wikipedia på engelsk, den 28. november 2013.