Anders Andersen Bjelland

Anders Andersen Bjelland (1790–28. juni 1850) var ein norsk gardbrukar, stortingsmann og ordførar frå Nedstrand i Rogaland.

Anders Andersen Bjelland
Fødd	1790 Nedstrand
Død	28. juni 1850 (59 år)
Statsborgar av	Noreg
Yrke	politikar, bonde
Alle verv	stortingsrepresentant (1827–1829) ordførar i Nedstrand (1837–1841) vararepresentant til Stortinget (1821–1823) stortingsrepresentant (1833–1835) vararepresentant til Stortinget (1836–1838) stortingsrepresentant (1842–1844)

Bjelland var son av ein gardbrukar og lensmann. Han var gardbrukar på farsgarden Bjelland. Frå 1837 til 1841 var han den fyrste ordføraren i Nedstrand, varaordførar frå 1846.

Bjelland representerte Stavanger amt på Stortinget i 1827, på omframstortinget 1828, atter på Stortinget i 1833 og 1842. Han var 1827 medlem av bankkomiteen, 1828 av komiteen om auke i setelmengda, 1833 av næringskomiteen, 1842 av Lagtinget og næringskomite nr 1.

Han døydde på garden sin i Nedstrand i 1850.

Kjelder

• Lindstøl, Tallak: Stortinget og Statsraadet 1814-1914. Kristiania, 1914
• Biografisk informasjon om Anders Andersen Bjelland NSD Norsk senter for forskningsdatas politikararkiv