Andikhásia

Andikhásia (gresk Αντιχάσια), òg kalla Antikhassia, Antihasia og Antihassia, er eit fjell nord i periferieiningane Tríkala og Lárisa i Thessalía i Hellas. Fjellet er ein del av fjellkjeda Píndos. Fjellet er 1 416 meter høgt og er om lag 40-50 km langt frå aust til vest og 15-20 km breitt frå nord til sør. Elva Piniós renn sørvest for fjellet.

Andikhasia Αντιχάσια
fjell
Land	Hellas
Fjellkjede	Píndos
Høgd	1 416 moh.
Andikhásia 39.791666666667°N 21.928333333333°E / 39.791666666667; 21.928333333333

Fjellet har gjeve namn til kommunen med same namn vest i Lárisa.

Skogar dominerer dei lågareliggande områda av fjellet og inneheld furu og gran. Dalområde, grassletter, buskar og berre område dominerer dei høgareliggande områda. Rundt fjellet ligg landsbyar og skogsvegar, i tillegg til ein del turstiar.

Frå toppen av fjellet kan ein sjå Khásiafjella i nord, fjella nordvest i Lárisa, Den thessaliske sletta og nokre nærliggande fjell og dei sentrale Píndosfjella, som Lákmos.

Næraste stader

• Oxýnia, nordvest
• Agiófyllo, nordvest
• Tsioúka, nordaust
• Agreliá, søraust
• Koniskós, sør
• Vlakháva, sør
• Trygóna, sørvest
• Pévka, sørvest

Stader i fjellet

• Flambourési, sentralt
• Gávros, sentralt
• Longá, aust
• Mavréli, søraust
• Skepári, sentralt

Kjelder

• Denne artikkelen bygger på «Antichasia» frå Wikipedia på engelsk, den 22. august 2007.