Andrea del Sarto (16. juli 148629. september 1530) var ein italiensk målar under renessansen. Han vart fødd i Gualfonda ved Firenze som Andrea d’Agnolo di Francesco di Luca di Paolo del Migliore.

Andrea del Sarto

Statsborgarskap Den florentinske republikk
Fødd 16. juli 1486
Firenze
Død

29. september 1530 (44 år)
Firenze

Yrke kunstmålar, teiknar
Sjanger målarkunst
Ektefelle Lucrezia del Fede
Andrea del Sarto på Commons
Harpiemadonnaen, 1517

Liv og gjerning endre

Han var son til ein skreddar, noko som var grunnen til at han fekk tilnamnet Sarto. Han gjekk fyrst i lære hos ein gullsmed. Ein målar vart merksam på kor dyktig han var til å teikne, og ordna det så han fekk plass hos teiknaren og målaren Piero di Cosimo. Seinare arbeidde Sarto ein stund hos Franciabigio, men han tok meir etter Leonardo, Michelangelo og Fra Bartolommeo. Stilane til desse målarane sameina han i sitt eige uttrykk, som sterkt understrekar fargen utan å forsømme forma og biletstrukturen.

Frå 1509 til 1514 måla Andrea del Sarto på oppdrag frå servittordenen. Han laga freskar i Sant 'Annunziata-kyrkja i Firenze, med motiv frå livet til Filippo Benizzi, om tilbedinga av frelsaren og Maria møy og jomfrufødselen. Mellom 1515 og 1526 arbeidde han på ein syklus om livet til Johannes døyparen. Desse verka er prega av frisk naturlegheit, jakta på varierte eigenskapar, dyktige arrangement og grupperingar, harmoniske fargar og grasiøs samansetning kombinert med fin teikning.

Han døydde i Firenze.

Kjelder endre